Նիկոլ Աղբալյան

Գրականագետ, պետական գործիչ

Հարություն Զաքիև

Ճարտարագետ, ճարտարապետ

Լևոն Կարախան

Քամանչահար

Հրայր Մուրադյան

Գրականագետ, դրամատուրգ

Վանո Մուրադելի

Կոմպոզիտոր

Ամալյա Մխիթարյան

Դերասանուհի, տիկնիկավար

Սիմոն Սիմոնյան

Արձակագիր, հրապարակախոս, բանասեր

Վազգեն Ամիրբեկյան

Արձակագիր, լրագրող

Լուիզա Պոզապալյան

Օպերային երգչուհի

Ժաննա Բլբուլյան

Դերասանուհի, երգահան

Մարտին Ահարոնյան

Կիթառահար, երգահան, գեղանկարիչ

 

 

 

 

ԳԵՈՐԳԻ ԽՈՒԲՈՎ

Երաժշտագետ

26 ապրիլ, 1902 - 11 նոյեմբեր, 1981

Ծնվել է Արևմտյան Հայաստանի Կարս քաղաքում: Հայոց ցեղասպանության (1915թ.) ժամանակ գաղթել է Օդեսա, որտեղ 1920թ. սովորել է կոնսերվատորիայի դաշնամուրային բաժնում: 1921-22թթ ուսումը շարունակել է Թբիլիսիի կոնսերվատորիայում՝ Զ.Պավլիաշվիլիի երաժշտության թեորիայի և Լ.Տրուսկովսկու դաշնամուրի դասարաններում: 1922թ. տեղափոխվել է Մոսկվա և 1930թ. ավարտել տեղի կոնսերվատորիայի Վ.Արգամակովի դաշնամուրի դասարանը և գործիքային մանկավարժության ֆակուլտետը: 1930-32թթ եղել է Մոսկվայի Մ.Գորկու անվան Մշակույթի կենտրոնական զբոսայգու երաժշտական մասի ղեկավարը, որտեղ կազմակերպել է առաջին մեծամասշտաբ երաժշտական դպրոցը: 1930թ-ից սկսել է գիտական-երաժշտական գործունեությունը, հրատարակել գրքեր, համագործակցել Արվեստագիտության պետական ակադեմիայի հետ: 1932-35թթ եղել է «Խորհրդային հանրագիտարան»-ի գիտական խմբագիրը, 1932-39թթ՝ «Սովետական երաժշտություն» ամսագրի խմբագիրի տեղակալը, 1952-57թթ՝ գլխավոր խմբագիրը, 1941-45թթ՝ Համամիութենական ռադիոյի (Մոսկվա) երաժշտական մասի գլխավոր խմբագիրը, 1946-52թթ՝ ԽՄԿԿ կենտրոնական ապարատի գեղարվեստական հեռարձակման հարցերով խորհրդականը, 1952-57թթ՝ ԽՍՀՄ կոմպոզիտորների միության քարտուղարը։ Իր գործունեությամբ նշանակալի դեր է խաղացել խորհրդային երաժշտական արվեստի զարգացման գործում։ Գրել է հոդվածներ, մենագրություններ՝ «Ա.Պ.Բորոդին» (1933թ.), «Սեբաստիան Բախ» (1936թ., 1963թ.), «Ա.Սերովի կյանքը» (1950թ.), «Երաժշտության և երաժիշտների մասին» (1959թ.), «Արամ Խաչատուրյան» (1962թ., 1967թ., հայերեն՝ 1977թ.), «Մ.Պ.Մուսորգսկի» (1969թ.), «Տարբեր տարիների երաժշտական հրապարակումներ» (1976թ.)։ 1934-39թթ դասավանդել է Մոսկվայի կոնսերվատորիայում, որտեղ առաջինն է դասավանդել խորհրդային երաժշտության պատմություն (1935թ-ից՝ դոցենտ): 1969թ. արժանացել է Ռուսաստանի արվեստի վաստակավոր գործչի կոչման: Մահացել է Մոսկվայում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար