Ստեփանոս Ագոնց

Հայագետ, աշխարհագրագետ, եկեղեցական գործիչ

Նինա Ղորղանյան

Օպերային երգչուհի

Թադեոս Էֆենդի

Երգահան, ջութակահար, քանոնահար

Ֆրեյդուն Աղալյան

Ճարտարապետ

Օննիկ Ավետիսյան

Գեղանկարիչ, արվեստաբան

Գոհար Ֆերմանյան

Գեղանկարչուհի

Ալեքսանդրու Շահիկյան

Արձակագիր, բանաստեղծ, դրամատուրգ

Գուրգեն Գաբրիելյան

Դերասան, ռեժիսոր

Զարեհ Մուրադյան

Բալետի արտիստ, պարուսույց

Վարդուհի Խաչատրյան

Օպերային երգչուհի

Աննա Մնացականյան

Օպերային երգչուհի

 

 

 

 

ԷԼՎԻՐԱ ՈՒԶՈՒՆՅԱՆ

Օպերային երգչուհի, դերասանուհի

Ծնվել է 1934թ. դեկտեմբերի 6-ին, Թբիլիսիում: Սովորել է տեղի միջնակարգ դպրոցում և 4-րդ երաժշտական դպրոցի երգեցողության դասարանում: 1956թ. ավարտել է Թբիլիսիի Ա.Պուշկինի անվան մանկավարժական ինստիտուտի պատմության ֆակուլտետը, 1963թ.՝ Թբիլիսիի Սարաջիշվիլիի անվան կոնսերվատորիան՝ Ն.Բախութաշվիլի-Շուլգինայի դասարանը: 1962թ-ից աշխատել է Երևանի Ա.Սպենդիարյանի անվան օպերայի և բալետի ազգային ակադեմիական թատրոնում՝ որպես մեներգչուհի: Հանդես է եկել հետևյալ օպերաներում՝ Ա.Տիգրանյանի «Անուշ» (Անուշ), Տ.Չուխաճյանի «Արշակ Երկրորդ» (Օլիմպիա), Փալիաշվիլու «Դաիսի» (Մարո), Ն.Ռիմսկի-Կորսակովի «Թագավորի հարսնացուն» (Մարֆա), Դոնիցետտիի «Լյուչիա դի Լամերմուր» (Լյուչիա), Ռոսսինիի «Սևիլյան սափրիչ» (Ռոզինա), Ջ.Վերդիի «Տրավիատա» (Վիոլետա), «Ռիգոլետտո» (Ջիլդա), Մոցարտի «Դոն Ժուան» (Ցերլինա) և այլն: Աչքի է ընկել կերպարների վոկալ-երաժշտական և բեմական հղկվածությամբ: Հանդես է եկել նաև համերգներով: Նկարահանվել է մի շարք ֆիլմերում՝ «Գառնի» (1966թ.), «Պատանեկության ափը» (1969թ.), «Սպիտակ ափեր» (1975թ.), «Եվս հինգ օր» (1978թ.), «Հյուրանոց Տատիկ» (1980թ.), «Մասնավոր դեպք» (1983թ.) և այլն: 1965թ. դարձել է Թբիլիսիի Անդրկովկասյան երաժշտական մրցույթի դափնեկիր: Համերգային շրջագայություններով հանդես է եկել Գերմանիայում, Կանադայում, Եգիպտոսում, Արևելյան Եվրոպայի երկրներում, Հարավարևելյան Ասիայում և ԱՄՆ-ում: Եղել է վրացի դերասանուհի Սոֆիկո Ճիաուրելիի մտերիմ ընկերուհին: 1992թ-ից բնակվել է ԱՄՆ-ում, որտեղ հանդես է եկել բազմաթիվ համերգներով: Համագործակցել է ԱՄՆ-ի հայկական համայնքի հետ: Բոստոնում ստեղծել և ղեկավարել է «Օգնենք երիտասարդ տաղանդներին» կազմակերպությունը: 1978թ. արժանացել է Հայաստանի, 1985թ.՝ Վրաստանի ժողովրդական արտիստի կոչման:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար