ԳՐԻԳՈՐ ԳՈՎՐԻԿՅԱՆ

14 մայիս, 1840 - 20 հունվար, 1931

Ծնվել է Ռումինիայի Գեռլա քաղաքում: Սովորել է Գեռլայի հայկական դպրոցում, ապա ընդունվել Վիեննայի Մխիթարյան միաբանության վանքը։ 1909թ. ընտրվել է նույն միաբանության ընդհանուր աբբահայր։ Իբրև մանկավարժ աշխատել է Վիեննայում, Կ.Պոլսում, Գեռլայում, Եղիսաբեթուպոլսում։ Խաչիկ Սոնկոտյանի (Սոնգոտ Քրիշտոֆ) հետ ձեռնարկել է «Արմենիա» հունգարերեն հայագիտական հանդեսի հրատարակմանը։ Հոդվածներ է գրել «Եվրոպա», «Բազմավեպ» և այլ պարբերականներում, կազմել դասագրքեր։ Մևծ արժեք են ներկայացնում Եղիսաբեթուպոլսի պատմությանը նվիրված եռահատոր աշխատությունը (արժանացել է Իզմիրյան մրցանակի) և Խաչիկ Սոնկոտյանի գործակցությամբ գրած՝ Գեռլա քաղաքի պատմությունը։ Պ.Ֆերհատյանի հետ կազմել է Գեռլայի հայերեն ձեռագրերի ցուցակը, որի միայն մի մասն է լույս տեսել։ Հրատարակվել են նրա «Բարձրագույն երկրագրություն» (1877թ.), «Համառոտ ընդհանուր պատմություն» (1879թ.), «Հայք Եղիսաբեթուպոլիս Տրանսիլվանիո» (հատոր Ա և Բ 1893թ., 1899թ.), «Գեռլա քաղաքի պատմություն» (1896թ., Խ.Սոնգոտյանի հետ), «Տրանսիլվանիո հայոց մետրոպոլիստը» (1896թ.) և այլ գրքեր: Մահացել է Վիեննայում:

ԲԱԺԻՆՆԵՐ

• ԱՐԱԿԱՆ
• ԻԳԱԿԱՆ
• ՄԱՆԿԱԿԱՆ

ՄԱՍՆԱԿՑԻՐ ՔԱՍԹԻՆԳԻ