ԵՎԱ ՍՈՒՋՅԱՆ

Ծնվել է 1984թ. դեկտեմբերի 14-ին, Երևանում: Կիթառահար, ջազմեն Մկրտիչ Սուջյանի դուստրն է և երգիչ Գոռ Սուջյանի քույրը: 2001թ. ավարտել է Երևանի Բ.Ժամկոչյանի անվան թիվ 119 միջնակարգ դպրոցը, 2006թ.՝ Երևանի Կոմիտասի անվան պետական կոնսերվատորիան: Եղել է երգչուհի Գոհար Գասպարյանի աշակերտուհին: 2003թ-ից հանդիսացել է «Stryfe» պրոգրեսիվ ռոք-մետալ խմբի մեներգչուհին և եղել է մի շարք երգերի հեղինակը: Այդ տարիներին խմբի հետ միասին կազմակերպել է համերգներ, փառատոներ` «Rock the referendum, Rock The Borders» և այլն: Համերգով հանդես է եկել «Էմփիրեյ» խմբի, եղբոր` Գոռ Սուջյանի հետ: Կատարել է ձայնագրություն Վահագն Ռաշի հետ և նկարահանել «Ադանա» տեսահոլովակը: 2010թ-ից հանդես է գալիս «Aline Time» ռոք խմբում, որը 2013թ. վերանվանվել է «Yeva Sujyan & WYE»: 2013թ. նրա հեղինակած «Dream to fly» երգը արժանացել է «Ռադիո Վան» կայանի օգոստոս ամսվա հաղթող երգ: 2013-14թթ եղել է «Էմփիրեյ» խմբի վոկալիստը: