Ամբրոսիոս Գալֆայան

Բառարանագիր, պատմաբան

Վահան Տեր-Առաքելյան

Երգիչ, թարգմանիչ

Յուրի Յարալով

Ճարտարապետ

Վաղարշակ Կոտոյան

Կոմպոզիտոր

Իրինա Դրամբյան

Արվեստաբան

Ալեքսան Մեխակյան

Արձակագիր, դրամատուրգ

Արմեն Դիվանյան

Կոմպոզիտոր

Արմեն Երկաթ

Օպերային երգիչ, բեմադրիչ

Մուշեղ Գարուկյան

Գրաֆիկ, դիզայներ

Խաչիկ Եղոյան

Ռեժիսոր, պրոդյուսեր

Սոնա Աբրահամյան

Հաղորդավար, լրագրող

 

 

 

 

ՎԱՀԱՆ ԳՐԻԳՈՐՅԱՆ

Բանաստեղծ, արձակագիր

16 հուլիս, 1905 - 22 հուլիս, 1989

Ծնվել է Արևմտյան Հայաստանի Մուշի գավառի Մեջիթլու (Բուլանըխ) գյուղում: Հայոց ցեղասպանությունից (1915թ.) փրկվածների հետ գաղթել է Արևելյան Հայաստան, պատանեկությունն անցկացրել տարբեր որբանոցներում: 1920թ. աշնանը գերվել է Ալեքսանդրապոլ (այժմ՝ Գյումրի) ներխուժած թուրքերի կողմից, 1921թ. մայիսին հրաշքով փրկվել՝ լողալով անցնելով Ախուրյան գետը: 1924թ. աշխատանքի է անցել Երևանի Տպագրական տրեստի 2-րդ տպարանում որպես գրաշար: 1930թ. ավարտել է Երևանի համալսարանի բանասիրական ֆակուլտետը, 1933թ.՝ Մոսկվայի կինեմատոգրաֆիայի ինստիտուտի գրական-սցենարական բաժինը: 1933-38թթ աշխատել է «Գրական թերթում», նախ որպես բաժնի վարիչ, ապա՝ պատասխանատու քարտուղար: 1938-48թթ եղել է «Սովետական գրականություն և արվեստ» ամսագրի խմբագրի տեղակալը: 1950-57թթ եղել է Հայաստանի գրողների միության կոնսուլտացիոն բյուրոյի նախագահը: 1957-66թթ վարել է «Հայաստան» հրատարակչության գեղարվեստական գրականության խմբագրության վարիչի պաշտոնը: 1930թ. հրատարակել է բանաստեղծությունների առաջին ժողովածուն՝ «Անիվի երգը» խորագրով։ 1934թ-ից եղել է Հայաստանի գրողների միության անդամ։ Հայրենիքի վերածննդին են նվիրված նրա «Արևն ազդանշան» (1939թ.), «Հայրենի նվագներ» (1947թ.), «Իմ երկիր» (1948թ.), «Երախտիք» (1956թ.), «Կրակի ու կարոտի միջով» (1969թ.), «Ճամփաների երգը» (1982թ.) և այլ ժողովածուներ։ 1967թ. լույս է ընծայել «Փրկություն» վիպակը, 1975թ.՝ «Համաստեղություն», 1987թ.՝ «Ամպրոպից հետո» վեպերը։ Արժանացել է «Կովկասի պաշտպանության համար», «Անձնվեր աշխատանքի համար» մեդալների, Հայրենական մեծ պատերազմի 2-րդ աստիճանի շքանշանի, 1975թ.՝ Հայաստանի մշակույթի վաստակավոր գործչի կոչման: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար