Առնոլդ Մարտիրոսյան

Բեմադրիչ, դերասան

Վարազդատ Հարությունյան

Ճարտարապետ, տեսաբան

Ռուբեն Աղաբաբյան

Ճարտարապետ, բանաստեղծ

Արտեմ Մեջինյան

Քամանչահար

Հեկտոր Ռշտունի

Գրականագետ, գրաքննադատ

Ռաֆայել Արամյան

Արձակագիր, թարգմանիչ

Մայքլ Քրմոյան

Երգիչ, դերասան

Թերեզա Գրիգորյան

Բալետի արտիստ, պարուսույց

Գրիգոր Խանջյան

Գեղանկարիչ

Մարտիրոս Գուշագճյան

Բանաստեղծ, բառարանագիր, թարգմանիչ

Մերուժան Տեր-Գուլանյան

Գրող, հրապարակախոս

Սեդրակ Երկանյան

Դաշնակահար, դիրիժոր

Աղասի Թալալյան

Գեղանկարիչ

Հերմինե Նավասարդյան

Բանաստեղծ, թարգմանիչ

Հայկ Մելիքյան

Դաշնակահար

Էդգար Հակոբյան

Ջութակահար

Արթուրո Սայան

Դերասան, ռեժիսոր

Լյուբով Թադևոսյան

Օպերային երգչուհի

 

 

 

 

ԼԻՆ ԴՈՒՐՅԱՆ

Օպերային երգչուհի

29 հունիս, 1933 - 17 մայիս, 2014

Արփինե-Ժոսլին Տիրատուրյան

Ծնվել է Ֆրանսիայի Լիոն քաղաքում: Սովորել է Լիոնի կոնսերվատորիայի դաշնամուրի բաժնում։ 1957թ. տեղափոխվել է Փարիզ, որտեղ հաճախել է երգեցողության դասերի ժամանակի մեծ երգչուհի Սյուզան Բոմոնի մոտ: «Կոնցեր մյուզիգրեն» խմբի հետ ելույթներ ունեցել Հոլանդիայում, Բելգիայում։ 1953թ. ընդունվել է Փարիզի «Գրանդ օպերայի» երգչախումբ։ 1960-70-ական թվականներին հանդիսացել է Փարիզի Գրանդ Օպերայի առաջնակարգ երգչուհիներից մեկը՝ կատարելով մեցցո-սոպրանոյի երկացանկի մեծ դերերգերը: Հատկապես նշանավոր են նրա Էբոլին, Ամներիսը, Ազուչենան Ջ.Վերդիի «Դոն Կարլոս», «Աիդա» և «Տրուբադուր» օպերաներում, Սանտուցցան Պ.Մասկանիի «Գեղջկական ասպետություն»-ում, Վեներան և Ֆրիկան Ռ.Վագների «Տանհոյզեր» և «Վալկիրիա» օպերաներում, Կարմենը Ժ.Բիզեի «Կարմեն»-ում, Մարգարիտը Հ.Բեռլիոզի «Ֆաուստի դատապարտումը» օպերայում, Շարլոտը Ժ.Մասնեի «Վերթեր»-ում, Ադալջիզան Վ.Բելլինիի «Նորմա» օպերայում: Երգել է աշխարհի բազմաթիվ մեծ թատրոններում, նշանավոր երգիչների՝ Մարիա Կալլասի, Լեոնտին Պրայսի, Մարտինա Արրոիոյի, Նիկոլայ Գյաուրովի, Բորիս Խրիստովի, Ջոն Վիկերսի, Ժոզե Վան-Դամի, Ռոբերտ Մերիլլի հետ: Երգչուհու ձայնը առանձնացել է իր հզորությամբ, թավշյա տեմբրով և բացառիկ երաժշտականությամբ: 1966թ. արժանացել է «Ֆիլիպս»-ի մեծ մրցանակին՝ մեցցո-սոպրանոյի երկացանկի օպերային արիաների լավագույն ձայնագրության համար: Հայաստանում առաջին անգամ ելույթներ է ունեցել 1972թ., «Գոսկոնցերտ»-ի հրավերով՝ հանդես գալով Երևանի Ա.Սպենդիարյանի անվան օպերային թատրոնում Ամներեսի, Էբոլիի և Ազուչենայի դերերով (Վերդի «Աիդա», «Դոն Կարլոս», «Տրուբադուր»), ինչպես նաև մենահամերգով, այնուհետև՝ Օդեսայում և Լենինգրադում: Հյուրախաղերով եղել է Անգլիայում, Իտալիայում, Գերմանիայում, Արգենաինայում և այլուր: Իր մենահամերգներում եվրոպական դասական կոմպոզիտորների ստեղծագործությունների կողքին օտար հանդիսատեսին մշտապես ներկայացրել է Կոմիտասի, Սայաթ-Նովայի, Գրիգոր Սյունու, Ռոմանոս Մելիքյանի, Մակար Եկմալյանի և այլ հայ կոմպոզիտորների երգերն ու ռոմանսները: 23 տարի դասավանդել է Ֆրանսիայի Բուլոնյ-սյուր-Մեր քաղաքի կոնսերվատորիայում: 2003-08թթ ամեն տարի եկել է Հայաստան, տվել բարեգործական համերգներ Երևանում և Արցախում, անց է կացրել երգեցողության վարպետության դասեր Երևանի Կոմիտասի անվան պետական կոնսերվատորիայում և Ստեփանակերտի Սայաթ-Նովայի անվան երաժշտական ուսումնարանում: 2007թ. պարգևատրվել է ՀՀ մշակույթի նախարարության ոսկե մեդալով: Մահացել է Փարիզում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար