ՆԻՆԱ ՕԿՍԵՆՏՅԱՆ

29 հոկտեմբեր, 1916 - 23 մարտ, 2017

Նունե Օկսենտյան

Ծնվել է Պետերբուրգում: 1947թ. ավարտել է Լենինգրադի (այժմ՝ Սանկտ Պետերբուրգ) կոնսերվատորիան՝ պրոֆեսոր Իսայ Բրաուդոյի երգեհոնի դասարանը։ 1950թ. ավարտելով ասպիրանտուրան՝ ծավալել է համերգային և մանկավարժական ակտիվ գործունեություն։ 1950թ. Լայպցիգում, Շոստակովիչի և Բրաուդոյի հետ մասնակցել է Բախին նվիրված համերգներին: 1950թ-ից դասավանդել է Սանկտ Պետերբուրգի Ն.Ռիմսկի-Կորսակովի անվան պետական կոնսերվատորիայում (1982թ-ից՝ պրոֆեսոր): Համերգներով հանդես է եկել աշխարհի բազմաթիվ երկրներում, աշխարհահռչակ դիրիժորների, երաժիշտների և կատարողների հետ: Ձայնագրել է 8 սկավառակ՝ Յոհան Սեբաստիան Բախի, Գեորգ Ֆիլիպ Տելեմանի, Սեզար Ֆրանկի և ռուս կոմպոզիտորների երաժշտությամբ։ 1984թ. արժանացել է Ռուսաստանի վաստակավոր, 2007թ.՝ ժողովրդական արտիստի կոչման: Մահացել է Սանկտ Պետերբուրգում: