Ոսկան Տեր-Գրիգորյան

Բանասեր, աշուղագետ

Ազնիվ Հրաչյա

Դերասանուհի

Ակսել Բակունց

Արձակագիր, դրամատուրգ, թարգմանիչ

Հովիկ Էդգարյան

Երաժիշտ, բանաստեղծ

Նանսեն Միքայելյան

Բանաստեղծ, մանկագիր

Աշոտ Առաքելյան

Լուսանկարիչ, բժիշկ

Մարտին Շահբազյան

Լուսանկարիչ

Լևոն Ղալումյան

Ճարտարապետ

Նաիրուհի Ալավերդյան

Երգչուհի, պարուհի

Ռաֆիկ Հարությունյան

Պարող, պարուսույց

 

 

 

 

ԳԵՂԱՄ ԲԱՐՍԵՂՅԱՆ

Արձակագիր, լրագրող

27 մայիս, 1883 - 26 ապրիլ, 1915

Ծնվել է Կոստանդնուպոլսում: Նախնական կրթությունն ստացել է տեղի Մեսրոպյան և Պեզճյան վարժարաններում, ապա ուսումը շարունակել Կենտրոնական վարժարանում, որն ավարտելուց հետո վարել է զանազան պաշտոններ։ Աշխատակցել է տեղի մի շարք պարբերականների։ 1912թ. Բալկանյան պատերազմի օրերին մեկնել է արտասահման, շրջել մի քանի երկրներում։ Փարիզում կարճ ժամանակ հետևել է համալսարանի դասընթացներին, ապա, վերադառնալով Կ.Պոլիս, շարունակել գրական-հրապարակախոսական գործունեությունը։ 1909-15թթ եղել է «Սուրհանդակ» և «Ազատամարտ» թերթերի գլխավոր խմբագիրը, «Ազդակ» գրական հանդեսի (41 համար) հրատարակիչը։ 1914թ. Հակոբ Օշականի հետ միասին խմբագրել է «Մեհյան» գրական հանդեսը։ Արևմտահայ արձակում առաջիններից է եղել, որ պատկերել է բանվորական կյանքը։ Այլաբանական զրույցներում («Ապառնի քաղաքին խուզարկիչը», «Սպասումս կախաղանին վրա», «Մեսիան կուգա») ներբողել է մարդու կամքի ուժը։ «Այսպես պատմեց Վրիժաբիբ Ազատությունը», «Ձյունամրրիկը» և մյուս պատմվածքներում նկարագրել է թուրք բռնակալների վայրագությունները Արևմտյան Հայաստանում։ Նրա լավագույն գործերը լույս են տեսել Փարիզում 1931թ.՝ «Նահատակ գրագետների բարեկամներ» մատենաշարով։ 1915թ. ձերբակալվել է Կ.Պոլսի մտավորականների հետ և սպանվել Այասում։

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար