Էդգար Խոջիկյան

Կինոռեժիսոր

Սուրեն Չանչուրյան

Պարող, պարուսույց

Մելիք Մավիսակալյան

Կոմպոզիտոր, դիրիժոր

Վլադիմիր Աբրոյան

Ծաղրանկարիչ

Աննա Մարիկյան

Բալետի արտիստ, պարուսույց

Հասմիկ Լեյլոյան

Քանոնահար

Աշոտ Արամյան

Քանդակագործ, դիզայներ

Ավո Խալաթյան

Դերասան, երգիչ

Սերգեյ Սմբատյան

Դիրիժոր, ջութակահար

 

 

 

 

ՃԱՆԻԿ ԱՐԱՄՅԱՆ

Տպագրիչ, վիմագրիչ, բառարանագիր, հրապարակախոս

26 ապրիլ, 1820 - 16 ապրիլ, 1879

Թ.Կըկռիկյան

Ծնվել է Նիկոմիդիայում (այժմ՝ Իզմիթ, Թուրքիա)։ Կ.Պոլսում աշխատել է իբրև գրաշար։ 1846թ. տեղափոխվել է Փարիզ և հմտացել գրաձուլական և տպագրական գործում։ 1859թ. Փարիզում հիմնել է սեփական տպարան, որտեղ լույս է ընծայել շուրջ 20 անուն գիրք։ 1862թ-ից տպագրական գործը շարունակել է Մարսելում, 1864թ-ից՝ Կ.Պոլսում։ Եղել է Կ.Պոլսի արքունի տպարանի տեսուչ։ Տպագրել է Եզնիկ Կողբացու, Գրիգոր Նարեկացու, Միքայել Նալբանդյանի, Ծերենցի, Մինաս Չերազի, Պետրոս Դուրյանի, Գարեգին Սրվանձտյանի և ուրիշների երկերը, նաև Փարիզի «Մասյաց աղավնի», «Արևելք», «Արևմուտք», «Փարիզ» պարբերականները, դասագրքեր։ Հրատարակություններն ունեցել են տպագրական բարձր արվեստ։ Նա հռչակվել է իր ստեղծած նոր տառատեսակով (Արամյան)։ Բարեփոխության նպատակն էր ստեղծել ավելի գեղեցիկ, դյուրընթեռնելի, հեշտ շարվող տպատառեր։ Արամյան տառերը մեծ տարածում գտան և հիմք դարձան հայկական նոր տառատեսակների ստեղծման։ Իբրև հրապարակախոս հայտնի է դարձել 1864թ., «Պոլոժենիե»-ի շուրջ ծագած բանավեճին մասնակցելով, որտեղ պաշտպանել է այդ կանոնադրությունը։ Նրա անունով հայտնի է «Ընդունելութիւն ընծայի» (1856թ.) երգիծական երկը։ Հեղինակել է «Դասարան հայկազն մանկանց» դասագիրքը (1860թ.), «Համառօտ բսագրքակ հայերէն-տաճկերէն-գաղղիերէն» (1860թ.) և մի քանի այլ գրքույկներ՝ «Վաւերագիրք-խնդիր ազգային եկամտի» (1864թ.), «Ռուսիա և Ընդհանուր ժողով հայոց ի Կոստանդնուպոլիս» (1866թ.), «Դիտողութիւն ի վերայ Տեղեկագրի կաթողիկոսական Յանձնաժողովոյ» (1866թ.), «Զեյթունցիք ու լուսավորչական հայք» (1867թ.)։ Որպես գծանկարիչ, կատարել է «Դասարան հայկազն մանկանց» դասագրքի նկարազարդումների մի մասը («Հայկի պատերազմը», «Վահեի մահը», «Տիգրան Բ-ի պատերազմը հռոմեացիների դեմ», «Ավարայրի ճակատամարտը» և այլն)։ Մահացել է Կոստնադնուպոլսում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար