ՀՈՎՀԱՆՆԵՍ ԱՎԱԳՅԱՆ

12 հոկտեմբեր, 1882 - 10 հունիս, 1959

Ծնկել է Արևմտյան Հայաստանի Ակնա գավառի Բինկյան գյուղում։ Նախնական կրթությունն ստացել է տեղի վարժարանում: 1897-1902թթ սովորել է Սեբաստիայի շվեյցարական որբանոցում, որից հետո երկու տարի դասավանդել է այդտեղ: 1907թ. ավարտել է Մարզվանի «Անատոլիա» քոլեջը՝ ստանալով «պսակավոր արվեստից» տիտղոսը։ 1907-09թթ եղել է Մարզվանի Ավետարանական քոլեջի տնօրեն-ուսուցիչ, 1909-15թթ՝ Վանի Ամերիկյան վարժարանի ուսուցիչ, 1911-12թթ՝ «Վանտոսպ»-ի խմբագրապետը: 1915թ. Հայոց ցեղասպանությունից փրկվելով՝ հաստատվել է Նյու Յորքում: 1917-19թթ եղել է «Ազգ» օրաթերթի (ԱՄՆ) օգնական խմբագիրը, իսկ 1919թ-ից մինչև կյանքի վերջը՝ «Հայաստանի կոչնակ»-ի խմբագիրը, 1944թ-ից՝ խմբագրապետը։ Զբաղվել է հայ նոր և սփյուռքահայ գրականության ուսումնասիրությամբ։ Հրատարակվել է նրա «Գոհարներ հայ գրականութեան», «Գրական դէմքեր» (1925թ.), «Նշանաւոր օփերաներ», «Աւետիս Ահարոնեան», «Այսպէս ապրեցանք» գրքերը: Գրել է վիպակներ, պատմվածքներ։ Կատարել է նաև թարգմանություններ, որոնցից ուշագրավ է Ա.Կ.Տոլստոյի «Ցար Ֆեոդոր Իվանովիչ» դրաման («Հայաստանի կոչնակ», 1928թ.)։ Հանդես է եկել Վաղարշ Վաղարշյան, Հրայր, Ասպարունի, Գրասեր ծածկանուններով։ Մահացել է Նյու Յորքում։