ԱՐՓԻՆԵ ԳԱԲՐԻԵԼՅԱՆ

Ծնվել է 1988թ. նոյեմբերի 18-ին, Երևանում: 2006թ. ավարտել է Երևանի թիվ 174 միջնակարգ դպրոցը և արվեստի դպրոցի դաշնամուրի և վոկալի բաժինները: 2001-05թթ մասնակցել է «Դո-Ռե-Մի» մանկապատանեկան երգի մրցույթին և արժանացել 2 մրցանակի: 2005թ. ընդունվել է Հայաստանի Երգի պետական թատրոնին կից դպրոց-ստուդիա, իսկ 2006թ. մասնակցելով «Կանաչ գոտի» նախագծին` դարձել է թատրոնի մեներգչուհի: 2006-09թթ սովորել է Երևանի թատրոնի և կինոյի պետական ինստիտուտի դերասանական և ռեժիսորական ֆակուլտետներում: 2009-14թթ աշխատել է «ATV» հեռուստաընկերությունում` որպես հաղորդավար: Վարել է «Շոու նյուզ», «Փոփ հանրագիտարան» հաղորդումները: 2014թ-ից աշխատում է «Արմենիա» հեռուստաընկերությունում, որտեղ նկարահանվել է «Ֆուլ Հաուս» հումորային նախագծում: Նկարահանվել է նաև մի շարք գովազդային հոլովակներում, «Ավելորդը» (2010թ.), «Ես եմ» (2012թ.), «Սուպեր մամա» (2014թ.), «Սկոչ և վիսկի» (2015թ.), «Որոգայթ» (2015թ.) ֆիլմերում, թողարկել է տեսահոլովակ: 2015թ. երգիչ Միհրան Ծառուկյանի հետ հանդես է եկել դուետով: