Օգսեն Խոճասարյան

Հրապարակախոս, լրագրող

Դրաստամատ Տեր-Սիմոնյան

Պետական գործիչ, լրագրող

Լիլիթ Հովհաննիսյան

Դերասանուհի

Լոլա Դոլուխանյան

Ճարտարապետ, ճարտարապետության պատմաբան

Աշոտ Զոհրաբյան

Կոմպոզիտոր

Անահիտ Ղուկասյան

Դերասանուհի

Գեղամ Գրիգորյան

Օպերային երգիչ, բեմադրիչ

Էռնա Էլիզբարյան

Հաղորդավար

Լևոն Սիմոնյան

Կիթառահար

 

 

 

 

ՎԱՐԱԳ ԱՌԱՔԵԼՅԱՆ

Լեզվաբան, բանասեր

1 հոկտեմբեր, 1910 - 7 օգոստոս, 2001

Ծնվել է ՀՀ Ելկավան (այժմ՝ ՀՀ Կոտայք) գյուղում։ Բարձրագույն կրթությունն ստացել է Երևանի պետական համալսարանում, 1944թ. ստացել է բանասիրական գիտությունների թեկնածուի գիտական աստիճան։ 1958-84թթ եղել է ՀՀ ԳԱ Հ.Աճառյանի անվան լեզվի ինստիտուտի հայոց լեզվի պատմության բաժնի վարիչը։ Զբաղվել է ժամանակակից գրական արևելահայերենի կառուցվածքի ուսումնասիրությամբ, ինչպես նաև բառարանագրության, ոճաբանության, հայոց լեզվի պատմության հարցերով, հրատարակել «Ժամանակակից հայերենի հոլովների և հոլովական կապակցությունների իմաստային առումները» (1957թ.), «Հայերենի շարահյուսություն» (հ.1-2, 1958-64թթ), «Ավետիք Իսահակյանի պոեզիայի բառապաշարի ոճաբանական առանձնահատկությունները» (1954թ.) և այլ աշխատություններ։ Գրաբարից աշխարհաբարի է վերածել Մովսես Կաղանկատվացու «Պատմություն Աղվանից աշխարհի»-ն, կազմել «Ժամանակակից հայոց լեզվի բացատրական բառարան»-ի 2-րդ հատորը (1972թ.)։ Հրատարակվել են նաև նրա «Գրաբարի հոլովումը և խոնարհումը» (1945թ.), «Գրաբարի հատընտիր» (1946թ.), «Ժամանակակից հայերենի հնչյունաբանություն» (1955թ.), «Հայոց լեզվի շարահյուսության ներածություն» (1959թ.), «Հայերենի պարբերույթը» (1968թ.), «Գրիգոր Նարեկացու լեզուն և ոճը» (1975թ.), «Ակնարկներ հայոց գրական լեզվի պատմության» (1981թ.), «5-րդ դարի հայ թարգմանական գրականության լեզուն և ոճը» (1984թ.) գրքերը: 1960թ. ստացել է բանասիրական գիտությունների դոկտորի գիտական աստիճան (1973թ-ից՝ պրոֆեսոր): Մահացել է Երևանում: