ԱՇՈՏ ԹԱԴԵՎՈՍՅԱՆ

9 հունվար, 1952 - 29 մայիս, 2017

Ծնվել է Հայաստանի Արտաշատ քաղաքում: 1975թ. ավարտել է Երևանի Խ.Աբովյանի անվան պետական մանկավարժական ինստիտուտի գեղագիտության բաժինը: 1990թ-ից եղել է Հայաստանի նկարիչների միության անդամ: Նրա վաղ շրջանի նկարները աչքի են ընկել մուգ գույներով և յուրահատուկ խիստ արտահայտչականությամբ: 1975թ-ից մասնակցել է մի շարք հանրապետական և միջազգային ցուցահանդեսների, ունեցել անհատական ցուցահանդեսներ Շվեդիայում (1995թ.), Սանկտ Պետերբուրգում (1996թ.), Մոսկվայում (1997թ.): Նկարչի աշխատանքները գտնվում են Հայաստանի, Ճապոնիայի, Հունգարիայի թանգարաններում, տարբեր երկրների (Ֆրանսիա, Գերմանիա, Ռուսաստան, ԱՄԷ, Անգլիա) մասնավոր հավաքածուներում: Մահացել է Արտաշատում: