ԱԼԵՔՍԱՆ ԿԱՐԱՊԵՏՅԱՆ

Ծնվել է 1941թ. հունվարի 15-ին, Երևանում: 1961թ. ավարտել է Երևանի Փ.Թերլեմեզյանի անվան գեղարվեստի ուսումնարանը, 1967թ.՝ Երևանի գեղարվեստաթատերական ինստիտուտը: 1979թ-ից Հայաստանի նկարիչների միության անդամ է: 1971-93թթ դասավանդել է Էջմիածնի նկարչական դպրոցում, 1993-98թթ՝ ՀՀ մանկական գեղագիտական դաստիարակության փորձարարական կենտրոնում: Ստեղծել է կոմպոզիցիաներ՝ «Գարուն» (1976թ.), «Հոգու թռիչք» (1976թ.), «Սիրո անուրջներ» (շարք, 1978թ-ից), «Բարեկամության պար» (1984թ.), «Թղթե քրմերի անկումը» (1990թ.), «Մերկ կանայք» (շարք, 1991թ-ից), «Հանդգնության հավերժումը» (շարք, 2004թ.) և այլն: Ստեղծել է նաև այլաբանական պատկերներ՝ նվիրված Հայաստանում քրիստոնեության ընդունման 1700-ամյակին (շարք, 2000թ-ից): Գրաֆիկական աշխատանքներից են՝ «Պերճանքի խրախճանքը» (շարք, 1997թ-ից): Ձևավորել, նկարազարդել է ամսագրեր, գրքեր: