ԼՈՒՍԻԿ ԱԳՈՒԼԵՑԻ

31 մայիս, 1946 - 13 հուլիս, 2018

Լուսիկ Սամվելյան

Ծնվել է Նախիջևանի Գողթան գավառի Ագուլիս քաղաքում: Եղել է քանգակագործ Յուրիկ Սամվելյանի կինը: 1953թ. տեղափոխվել է Երևան: 1963-67թթ սովորել է Երևանի Փ.Թերլեմեզյանի անվան գեղարվեստի ուսումնարանում: 1966թ.՝ ուսումնառության տարիներին արժանացել է «Ավանգարդ» թերթի հատուկ մրցանակին: 1974թ-ից եղել է Հայաստանի նկարիչների միության անդամ: 1968թ-ից մասնակցել է հանրապետական տարբեր ցուցահանդեսների Հայաստանում և արտերկրում: Անհատական ցուցահանդեսներ է ունեցել Երևանում (1996թ., 1997թ.), Ստեփանակերտում (1997թ.), Սալոնիկում (1999թ.): Մասնակցել է մի շարք խմբակային ցուցահանդեսների Փարիզում, Գերմանիայում, Իրաքում, Լոս Անջելեսում, Դեթրոյթում, Տորոնտոյում, Մոնրեալում, Մոսկվայում, Ճապոնիայում, Հունաստանում, Բելգիայում և այլուր: 2011թ. «Գրքարվեստ» հանրապետական չորրորդ մրցանակաբաշխությանը հեղինակի «Անցյալի մասունքներ» գիրքն արժանացել է գլխավոր մրցանակի, ստացել է նաև ԱՊՀ երկրների «Գրքարվեստ» միջազգային մրցանակաբաշխության «Արվեստի գիրք» անվանակարգում 1-ին մրցանակ: Նկարչուհու կտավները գտնվում են Հայաստանի և արտերկրի թանգարաններում, մասնավոր հավաքածուներում: 1967թ. արժանացել է Անդրկովկասյան ցուցահանդեսի մրցանակի, 1968թ.՝ Կին նկարիչների ցուցահանդեսի 1-ին մրցանակին, 1975թ.՝ Մոսկվայի համամիութենական ցուցահանդեսի գեղարվեստի ակադեմիայի մրցանակին, ՀՀ մշակույթի նախարարության և Երևանի քաղաքապետարանի պատվոգրերի, 2003թ.՝ Մ.Մաշտոցի անվան մշակույթի կենտրոնի մրցանակին, 2010թ.՝ ՀՀ «Մովսես Խորենացի» շքանշանի, 2014թ.՝ Երևանի քաղաքապետարանի ոսկե մեդալի, 2014թ.՝ Հայաստանի մշակույթի վաստակավոր գործչի կոչման: Մահացել է Երևանում:

ԲԱԺԻՆՆԵՐ

• ԱՐԱԿԱՆ
• ԻԳԱԿԱՆ
• ՄԱՆԿԱԿԱՆ

ՄԱՍՆԱԿՑԻՐ ՔԱՍԹԻՆԳԻ