ԱԼԲԵՐՏ ՀՈՎՍԵՓՅԱՆ

Ծնվել է 1937թ. հունվարի 31-ին, Լենինականում (այժմ՝ Գյումրի): 1953-58թթ սովորել է Երևանի Փ.Թերլեմեզյանի անվան գեղարվեստի ուսումնարանում, 1960-65թթ՝ Երևանի գեղարվեստաթատերական ինստիտուտում: 1965թ-ից մասնակցել է ցուցահանդեսների Կանադայում, Ռումինիայում, Չեխիայում, Գերմանիայում, Վիետնամում, Բուլղարիայում, Հունգարիայում և այլուր: 1966-72թթ դասավանդել է Երևանի Խ.Աբովյանի անվան պետական մանկավարժական ինստիտուտի արվեստի բաժնում: 1970թ-ից Հայաստանի նկարիչների միության անդամ է: Աշխատանքներից են՝ «Երեկո. իլիկ մանող կինը», «Երեկո», «Սահմանապահներ», «Գ.Աթաբեկյանը և Ֆ.Ձերժինսկին», «Հերթափոխ», «Հոգու նոր սերը», «Երեկո. ճաշ», «Նոր տունը», «Ճանապարհելը» և այլն: