ԱՇՈՏ ԲԱՅԱՆԴՈՒՐ

1 հունվար, 1947 - 11 հունիս, 2003

Ծնվել է Երևանում: Եղել է արվեստաբան Սարգիս Բայանդուրի և բանաստեղծ Մարո Մարգարյանի որդին, թարգմանիչ Անահիտ Բայանդուրի եղբայրը: 1999թ. եղել է Կելեիա պատկերասրահի միջազգային ասամբլեայի և փորձագետների խորհրդի անդամ: Հեղինակել է նկարազարդումներ, մի շարք գրքեր և ներկայացումների ձևավորումներ: Նրա գրաֆիկական և գեղանկարչական գործերին հատուկ են հորինվածքի, գույնի խոր զգացողությունը, դրամատիկ կոլորիտը: Որոշ գործերում իմաստավորել է թվերն ու գրերը: Աշխատանքներից են՝ «Երազանք» (1973թ.), «Մթնշաղ» (1976թ.), «Կարճատև երկխոսություն» (1997թ.), «Թռչող ծիտը» (1997թ.), «Զրույց» (1999թ.), «12 թիվը որպես թռչուն» (1996-97թթ), «Կոտրված դեղին քառակուսին» (1996-97թթ) և այլն: Գրաֆիկական գործերից են՝ «Սասունցի Դավիթ» էպոսի մոտիվներով նկարազարդումները (1988-97թթ) և այլն: Անհատական ցուցահանդես է ունեցել Երևանում (1975թ., 1999թ., 2003թ.), Մոսկվայում (1976թ., 1978թ.), Փարիզում (1990թ., 1994թ.), Սլովենիայում (1997թ.), Կիպրոսում (1997թ.), Մոնրեալում (2000թ., 2001թ.): Մահացել է Սլովենիայի մայրաքաղաք Լյուբլյանայում: