ՄԱՐԳԱՐԻՏ ՍՈՂՈՄՈՆՅԱՆ

21 մարտ, 1921 - 1 սեպտեմբեր, 1981

Ծնվել է Երևանում: 1938-41թթ սովորել է Խարկովի ինժեներաշինարարական ինստիտուտի ճարտարապետական, 1941-44թթ՝ Երևանի պոլիտեխնիկական ինստիտուտի շինարարական ֆակուլտետներում: 1974-77թթ եղել է Հայաստանի ճարտարապետների միության վարչության նախագահի տեղակալը: Գործերից են՝ Երևանում «Ավտո-դետալ» գործարանի ակումբը (1955-56թթ), ֆիզիկայի ինստիտուտի համալիրում հյուրանոցը (1960թ.), առանձնատները (1961թ.), նիստերի դահլիճի շենքը (1962-63թթ) և այլն: 1946թ-ից եղել է Հայաստանի ճարտարապետների միության անդամ: 1970թ. արժանացել է Հայաստանի վաստակավոր ճարտարապետի կոչման: Մահացել է Երևանում: