ԳՈՒՍԱՆ ՀԱԶԻՐ

19 ապրիլ, 1845 - 26 նոյեմբեր, 1922

Աբրահամ Աբրահամյան

Ծնվել է Վրաստանի Շուլավեր գյուղում: Ապրել է Թիֆլիսում, ստեղծագործել հայերեն և վրացերեն: Աշուղական երգի նախասիրած ձևերն են եղել ղողման, դիվանին, թեջնիսը, դուբեյթը, մուխամմազը: Նրա երգերից մի քանիսի թեման վերարծարծել և զարգացրել է Ջիվանին («Ամեն կողմով տկար մարդը», «Աստված մեկ է, փառքն անթիվ» և այլն): Աշուղի ստեղծագործությունները առանձին գրքերով լույս են տեսել հայերեն («Աշըգ Հազիրի երգերը», 1892թ.) և վրացերեն: Մահացել է Թիֆլիսում, թաղված է տեղի Խոջիվանքի հայկական պանթեոնում: