ԶՈՅԱ ՊԵՏՐՈՍՅԱՆ

Ծնվել է 1929թ. օգոստոսի 9-ին, Երևանում: 1947թ. ավարտել է Երևանի կոնսերվատորիան, 1953թ.՝ Մոսկվայի Պ.Չայկովսկու անվան պետական կոնսերվատորիան: 1953-93թթ եղել է Հայֆիլհարմոնիայն մենակատար: Կատարել է հայ, ռուս, վրացի և այլ ազգերի կոմպոզիտորների մի շարք ստեղծագործություններ, ձայնագրվել ռադիոյի և հեռուստատեսության բազմաթիվ հաղորդումներում, թողարկել ձայնասկավառակներ: 1957-62թթ դասավանդել է Երևանի Ռ.Մելիքյանի անվան երաժշտական ուսումնարանում, 1962թ-ից՝ Երևանի Կոմիտասի անվան պետական կոնսերվատորիայում (1983թ-ից՝ պրոֆեսոր): 2000թ-ից աշխատել է Էջմիածնի երաժշտական դպրոցում՝ որպես խորհրդատու: 2003թ-ից եղել է Երևանի երաժշտական ուսումնարանի պետական հանձնաժողովում: 1963թ. արժանացել է Հայաստանի վաստակավոր արտիստի կոչման: