ԳՈՒՐԳԵՆ ՄՈՒՇԵՂՅԱՆ

14 օգոստոս, 1934 - 18 հոկտեմբեր, 2020

Ծնվել է Լենինականում (այժմ` Գյումրի): 1959թ. ավարտել է Երևանի պոլիտեխնիկական ինստիտուտի շինարարական ֆակուլտետի ճարտարապետական բաժինը: 1959-62թթ եղել է Հայպետնախագիծ  ինստիտուտի ավագ ճարտարապետ, 1962-64թթ` Գյումրիի գլխավոր ճարտարապետը,  1964-67թթ`  Երևանի գլխավոր ճարտարապետի տեղակալը: 1982-90թթ զբաղեցրել է Երևանի գլխավոր ճարտարապետի պաշտոնը: 2001-09թթ եղել է Երևաննախագիծ ՓԲԸ գործադիր տնօրենը: Դասավանդել է Երևանի ճարտարապետաշինարարական ինստիտուտում (պրոֆեսոր): Համահեղինակել է մի շարք հայտնի շինություններ, որոնց շարքում են` Գյումրու օդանավակայանը, Երևանի «Հրազդան» մարզադաշտը, Մարզահամերգային համալիրը, սեյսմիկ կայանը և այլն: 1963թ-ից եղել է Հայաստանի ճարտարապետների միության անդամ, Ռուսաստանի ճարտարապետության և շինարարական ԳԱ օտարերկրյա անդամ, Հայաստանի ճարտարապետության ակադեմիայի ակադեմիկոս: Դարձել է ՀՀ (1979թ.) և ԽՍՀՄ (1987թ.) Պետական մրցանակների դափնեկիր: Դարձել է նաև ԽՍՀՄ բազմակի չեմպիոն սուսերամարտի ոլորտում, Խորհրդային Միության սպորտի վարպետ: 2014թ. պարգևատրվել է Հայնախագիծ ինստիտուտի պատվոգրով, Հայաստանի շինարարների, ճարտարապետների միությունների և Երևանի ճարտարապետության և շինարարության համալսարանի պատվոգրով և բուհի ոսկե հուշամեդալով: Արժանացել է մի շարք մրցանակների, պետական պարգևների, ՀՀ «Անանիա Շիրակացի» մրցանակի, 1983թ.՝ Հայաստանի վաստակավոր ճարտարապետի կոչման: Մահացել է Երևանում:

ԲԱԺԻՆՆԵՐ

• ԱՐԱԿԱՆ
• ԻԳԱԿԱՆ
• ՄԱՆԿԱԿԱՆ

ՄԱՍՆԱԿՑԻՐ ՔԱՍԹԻՆԳԻ