ՎԱՐԱԶԴԱՏ ԱՐԵՎՇԱՏՅԱՆ

Ճարտարապետ

1 հունիս, 1912 - 24 փետրվար, 2007

Ծնվել է ՀՀ Ռնդամալ գյուղում (այժմ` Ջրառատ): 1937թ. ավարտել է Երևանի պոլիտեխնիկական ինստիտուտի շինարարական ֆակուլտետը: Մասնակցել է Հայրենական Մեծ պատերազմին: 1941թ-ից եղել է Հայաստանի ճարտարապետների միության անդամ: 1965թ-ից աշխատել է Երևաննախագիծ ինստիտուտում` որպես նախագծի գլխավոր ճարտարապետ: Նրա նախագծերով կառուցված շենքերից են` գեղարվեստի  ինստիտուտը  (1940թ.,  այժմ`  ՀԺԱԹ),  Հայկոոպի վարչական շենքը Երևանում (1952-54թթ), Երքաղսովետի գործկոմի շենքը (1952-54թթ, երկուսն էլ` Էդուարդ Արևշատյանի հետ), Աղթամար հյուրանոցը Սևանի ափին (1962թ., Վ.Սարգսյանի հետ), ՀՀ  տարբեր  վայրերում` հանրախանութներ,  ակումբներ,  դպրոցներ,  վարչական  շենքեր: Սամվել Սաֆարյանի հետ նախագծել ու կառուցել է Երևանի Հանրապետության հրապարակի կառավարական երկրորդ շենքը (ավարտվել է 1955թ.), որի համար 1970թ. արժանացել է ՀՀ Պետական մրցանակի: Պարգևատրվել է մի շարք մրցանակներով, պետական պարգևներով, 2002թ.` Ա.Թամանյանի անվան ոսկե մեդալով: 1965թ. արժանացել է Հայաստանի վաստակավոր շինարարի կոչման: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար