Հակոբոս Պոզաճյան

Բառարանագիր

Ռոմանոս Սետեֆճյան

Դերասան, դրամատուրգ

Ստեփան Մամիկոնյան

Լրագրող, հրապարակախոս

Թլկատինցի

Արձակագիր, բանաստեղծ, դրամատուրգ

Մարո Զուրաբյան

Արձակագիր

Մանվել Բեգլարյան

Կոմպոզիտոր, դիրիժոր

Ռուբեն Գևորգյանց

Կինոռեժիսոր

Լիպարիտ Ավետիսյան

Օպերային երգիչ

 

 

 

 

ՍՈՒՐԵՆ ԲԱԴԱԼՅԱՆ

Ճարտարապետ, ճարտարագետ

27 սեպտեմբեր, 1923 - 31 հոկտեմբեր, 2005

Ծնվել է Թիֆլիսում: 1945թ. ավարտել է Թբիլիսիի վրացական ինդուստրիալ, 1949թ.` պոլիտեխնիկական ինստիտուները: 1959-67թթ աշխատել է Հայարդնախագիծ ինստիտուտում: 1967-72թթ եղել է ՀՀ պետշինի նախագահի առաջին տեղակալը, 1972-79թթ` Շինարարության և ճարտարապետության հայկական ԳՀԻ տնօրենը, 1979թ-ից` լաբորատորիայի վարիչը: Ստեղծել է հավաքովի միաձույլ հիմնակմախքով բազմահարկ շենքերի կոնստրուկտիվ նոր համակարգ («բադալյանական կոնստրուկցիաներ»): Նրա ճարտարապետական նախագծերով կառուցվել են Ռուսթավիի մետալուրգիական, ազոտային հանքային պարարտանյութերի, արհեստական մանրաթելի, Ձեստաֆոնի ֆեռոմիահալվածքի գործարանների մասնաշենքերը, տիտանի արտադրության գործարանը` Նովոտուլյան մետալուրգիական կոմբինատում (1956թ.): 1960-62թթ ճարտարապետի նախաձեռնությամբ և նախագծերով Հայաստանում առաջին անգամ կառուցվել են հավաքովի միաձույլ երկաթբետոնե հիմնակմախքով բազմահարկ արտադրական շենքեր` Նոր Հաճնի ճշգրիտ տեխնիկական քարերի (1961թ.) և Երևանի գործիքաշինական (1962թ.) գործարանները, 1968թ-ից` տարածական հավաքովի միաձույլ շրջանակավոր հիմնակմախքով շուրջ 500 5-18-հարկանի բնակելի տներ Երևանում, 1988թ. երկրաշարժից հետո` 9 բալլ ուժգնության երկրաշարժակայուն 14-հարկանի կետային հիմնակմախքով բնակելիներ` Երևանի 16-րդ թաղամասում և կենտրոնում: 1970-ական թվականներից «բադալյանական» բազմահարկեր կառուցվել են Բելցիում (Մոլդովա), Կիսլովոդսկում, Նազիկում, Վլադիկավկազում, Տաշքենդում, Եսենտուկիում և այլուր: 1970թ. Երևանի Գ.Սունդուկյանի անվան թատրոնի շենքի (1966թ., համահեղինակ) համար արժանացել է ՀՀ Պետական մրցանակի: 1967թ. և 1969թ. դարձել է խորհրդային ճարտարապետության նվաճումների համամիութենական ստուգատեսների դափնեկիր: Արժանացել է նաև ԽՍՀՄ ԺՏՆՑ արծաթե (1972թ.) և ոսկե (1977թ.) մեդալների: 1991թ-ից եղել է տեխնիկական գիտությունների թեկնածու, 1996թ-ից` ՀՃԱ թղթակից անդամ: 1987թ. արժանացել է Հայաստանի վաստակավոր ճարտարագետի կոչման: Մահացել է Երևանում: