Ղուկաս Ինճիճյան
Բանասեր, աշխարհագրագետ
Հայկ-Հակոբ Տետեյան
Թարգմանիչ, հրատարակիչ
Անանիա Սուլթանշահ
Մշակութային գործիչ, բժիշկ
Խնկո Ապեր
Մանկագիր, բանաստեղծ
Կարեն Միքայելյան
Արձակագիր
Հայկ Դավթյան
Ճարտարապետ
Հակոբ Մկրտչյան
Լեզվաբան, բարբառագետ
Վահան Կաժոյան
Գրաֆիկ
Ալեքսանդր Սայադյան
Հաղորդավար
Սարգիս Աղամալյան
Օպերային երգիչ
Արարատ Քեշյան
Դերասան
Գոհար Գասպարյան
Հաղորդավար
Մանե Գրիգորյան
Հաղորդավար
ՀԱՅԿ ԲԱԴԻԿՅԱՆ
Քանդակագործ
22 հունվար, 1876 - 19 սեպտեմբեր, 1950
Ծնվել է Արևմտյան Հայաստանի Վան քաղաքում: 1891թ. մեկնել է ԱՄՆ և հաստատվել Ֆրեզնոյում։ 1899թ. սովորել է Հոպկինսի արվեստի ինստիտուտում։ 1906-07թթ կատարելագործվել է Փարիզում` Ալբեր Մարկեի մոտ: 1907թ. ֆրանսիական արվեստագետների սրահում ցուցադրվել է նկարչի «Հին պատմություն» բրոնզե այլաբանական քանդակը: 1908թ-ից բնակվել է Սան Ֆրանցիսկոյում: Ստեղծագործել է դասական ոճով, հարել ռեալիստական ուղղությանը, վճռաբար հանդես է եկել մոդեռնիզմի դեմ: Կերտել է ամերիկյան հայտնի անձանց բրոնզե և մարմարե հուշարձաններ, կիսանդրիներ, ինչպես և հասարակական վայրերի համար այլաբանական սյուժեներով դեկորատիվ քանդակներ: Ընտրվել է Քալիֆորնիայի մշակույթային և պատմական մի շարք ընկերությունների անդամ, արժանացել շքանշանների և պատվո դիպլոմների: Գլխավոր գործերից են` Աբրահամ Լինքոլնի (1923թ.) և Փերշինգի (1921թ.) հուշարձանները Սան Ֆրանցիսկոյում, Ռոուվելի հուշարձանը Ֆրեզնոյում (1914թ.), Թոմաս Սթար Քինգի արձանը Վաշինգթոնի Կապիտոլիումի քանդակների դահլիճում (1931թ.), «Բարեկամություն» այլաբանական արձանախումբը Սան Ֆրանցիսկոյում (1925թ.), «Աեորոնոթիկ» ճակտոնը Վաշինգթոնի առևտրի դեպարտամենտի շենքի համար (1931թ.), Գեներալ Ֆյունստոնի կիսանդրին Սան Ֆրանցիսկոյի քաղաքային դահլիճում (1917թ.), Էդուարդ Ռոբսոն Թեյլորի կիսանդրին Սան Ֆրանցիսկոյի հանրային գրադարանում (1917թ.) և այլն: Մահացել է Սան Ֆրանցիսկոյում:
