Մատթեոս Մամուրյան

Գրող, թարգմանիչ, բանասեր, պատմաբան

Լյուբով Լազարևա

Օպերային երգչուհի

Լևոն Հայկազունի

Կրկեսի արտիստ

Վազգեն Մուրադյան

Կոմպոզիտոր

Կառլոս Աբովյան

Գեղանկարիչ

Վյաչեսլավ Ամիրխանյան

Կինոռեժիսոր, դերասան

Անդրանիկ Խեչումյան

Թարգմանիչ, բեմադրիչ

Կարեն Գևորգյան

Պարող, պարուսույց

Միխայիլ Սիմոնյան

Ջութակահար

Ռեբեկա Դեմիրճյան

Օպերային երգչուհի

 

 

 

 

ԱՆՆԱ ՏԵՐ-ԱՎԵՏԻՔՅԱՆ

Ճարտարապետ

10 հոկտեմբեր, 1908 - 16 հունվար, 2013

Ծնվել է Երևանում: Եղել է Հայաստանի առաջին կին ճարտարապետը, ճարտարապետ Կոստանդին Հովհաննիսյանի կինը։ 1924թ. ընդունվել է Երևանի պետական համալսարանի տեխնիկական ֆակուլտետի ճարտարապետության բաժին, որի հիման վրա հետագայում ստեղծվել է պոլիտեխնիկական ինստիտուտը: 1930թ. ավարտել է Երևանի պոլիտեխնիկական ինստիտուտը: 1926թ-ից աշխատել է Նիկողայոս Բունիաթյանի և Ալեքսանդր Թամանյանի արվեստանոցներում, ապա` նախագծային կազմակերպություններում: 1935թ-ից եղել է Հայաստանի ճարտարապետների միության անդամ: Եղել է հին երևանցիների հայտնի տոհմից, ում շնորհիվ ստեղծվել են պատմամշակութային արժեք ունեցող շենքերից շատերը` ֆիլհարմոնիայի փոքր դահլիճը, ԵՊՀ հին շենքը, Աբովյան փողոցում գտնվող առաջին հիվանդանոցը։ Նրա ջանքերով իրականացվել է նաև Կրբուլաղի աղբյուրներից եկող ջրամատակարարման առաջին ցանցը Երևանում, ինչը երևանցիներին մաքուր խմելու ջուր ունենալու հնարավորություն տվեց։ Նրա նախագծերով Երևանում կառուցվել են նաև շուրջ 40 շենքեր` դպրոցներ, բնակելի տներ (1947թ., 1948թ.), վարչական շենքեր (1953թ.), Կորյունի փողոցի և Մաշտոցի պողոտայի անկյունում գտնվող կինեմատոգրաֆիստների բնակելի տունը` նշանավոր «Պոնչիկանոցը», Աբովյան-Կորյուն փողոցների խաչմերուկում գտնվոող (Ուրարտու խանութի) բնակելի շենքը, Մայակովսկու անվան դպրոցը: Ամուսնու հետ նախագծել է Ոստիկանության շենքը, Սախարովի հրապարակի վրա տեղակայված Երևանի հրշեջ կայանի շենքը, արդեն գոյություն չունեցող «Սասունցի Դավիթ» կինոթատրոնի շենքը։ 1938թ. և 1956թ. դարձել է կին ճարտարապետների ստեղծագործության համամիութենական ստուգատեսների դափնեկիր: 1938թ. ստացել է «Կինը արվեստի և ժողովրդական ստեղծագործության ասպարեզներում» Փարիզի միջազգային ցուցահանդեսի դիպլոմ: 1948թ. կին-ճարտարապետների համամիութենական մրցույթում արժանացել է առաջին մրցանակին` Երևանում գտնվող կինեմատոգրաֆիստների բնակելի շենքի նախագծի համար: 1967թ. արժանացել է Հայաստանի Գերագույն Խորհրդի գովասանագրի, 1968թ.` Հայաստանի վաստակավոր ճարտարապետի կոչման, 2002թ.` Ալեքսանդր Թամանայանի անվան ոսկե մեդալի, 2008թ.` Երևանի քաղաքապետարանի «Երևան» ոսկե մեդալի: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար