ԳՐԻԳՈՐ ԶԱՄՊԱՔՃՅԱՆ

6 փետրվար, 1889 - 18 սեպտեմբեր, 1962

Ծնվել է Ռումինիայի Կոնստանցա քաղաքում: 1948թ. եղել է Ռումինիայի ակադեմիայի թղթակից անդամ: Եղել է նաև Բուխարեստի հայկական Մշակույթի տան առաջին նախագահը։ Աշխատակցել է «Անի» ռումինական հայագիտական հանդեսին, հոդվածներ գրել հայկական ճարտարապետության և կիրառական արվեստի մասին: Հայաստանին է նվիրել ֆլամանդական և ֆրանսիական արվեստի մեծարժեք գործեր։ 1947թ. նրա հավաքածուի հիման վրա Բուխարեստում ստեղծվել է նրա անվան պետական թանգարան (այժմ` Արվեստի գործերի թանգարանի Զամպաքճյան բաժին)։ Աշխատանքներից են` «Արվեստի էջեր» (1943թ.), «Նիկոլայե Գրիգորեսկու» (1946թ.), «Մի արվեստասերի նշումներ» (1957թ.), «Կոռնելիու Բաբա» (1958թ.) և այլն: Մահացել է Ռումինիայի մայրաքաղաք Բուխարեստում: