Գաբրիել Պատկանյան

Բանաստեղծ, արձակագիր, պատմաբան

Աբգար Բալթազար

Գեղանկարիչ, արվեստաբան

Սենեքերիմ Տեր-Հակոբյան

Բանասեր, մանկավարժ

Հակոբ Ազատյան

Փորագրիչ

Նադեժդա Սիմոնյան

Կոմպոզիտոր

Ալեքսեյ Պապովյան

Քանդակագործ

Գետիկ Բաղդասարյան

Քանդակագործ

Հելեն Սեգարա

Երգչուհի

Հայկ Հովհաննիսյան

Մարզական մեկնաբան

Անդրանիկ Աբովյան

Բալետի արտիստ

 

 

 

 

ԿՈՆՍՏԱՆՏԻՆ ՕՐԲԵԼՅԱՆ

Դիրիժոր, դաշնակահար

Ծնվել է 1956թ. օգոստոսի 27-ին, Սան Ֆրանցիսկոյում: Կոմպոզիտոր, դիրիժոր Կոնստանտին Օրբելյանի զարմիկն է: Հայրը հայ է, մայրը` ռուս: Դեբյուտը որպես վունդերքինդ դաշնակահար ունեցել է 11 տարեկանում, Սան Ֆրանցիսկոյի սիմֆոնիկ նվագախմբի հետ: 1980թ. Նյու Յորքի Ջուլիարդ երաժշտական դպրոցն ավարտելուց հետո, սկսել է երաժշտական գործունեությունը որպես վիրտուոզ դաշնակահար, ելույթներ ունեցել խոշոր սիմֆոնիկ նվագախմբերի հետ ԱՄՆ-ում, Մեծ Բրիտանիայում, Եվրոպայում և Ռուսաստանում: Շրջագայել է ամերիկյան աստղերի հետ ռուսական երաժշտական կենտրոններում և ռուսական աստղերի հետ` Հյուսիսային Ամերիկայի երաժշտական կենտրոններում, և այդ համագործակցությունը հասել է Եվրոպա, Մեծ Բրիտանիա, Ճապոնիա, Հարավային Կորեա և ամբողջ աշխարհի երաժշտական մայրաքաղաքներ: Հաճախ համագործակցել է ռուս օպերային երգիչ Դմիտրի Խվորոստովսկիի հետ, ում հետ երկացանկը ներառել է «Դելոս» ֆիրմայի արտադրած «Որտեղ եք, իմ եղբայրներ» և «Մոսկովյան գիշերներ» ձայնագրությունները: Առաջին կինոաշխատանքը կոչվում է «Ռենե Ֆլեմինգ և Դմիտրի Խվորոստովսկի. մի ոդիսական Սանկտ Պետերբուրգում»` նկարահանված Սանկտ Պետերբուրգում: Դիրիժոր Նեեմե Յաարվիի հետ նրա ձայնագրած Ա.Խաչատրյանի դաշնամուրային կոնցերտը Միացյալ Թագավորությունում արժանացել է «Տարվա լավագույնը կոնցերտի ձայնագրություն» մրցանակին: Իր գեղարվեստական նվաճումները օգտագործել է միջազգային բարի կամքի գործերին ի նպաստ: Նվագախմբերի հետ մասնակցել է նաև երիտասարդների մշակութային հարստացման ծրագրերին, ինչպես Ռուսաստանում, այնպես էլ ԱՄՆ-ում: 1989թ. և 2001թ. համերգներով հանդես է եկել Երևանում: 1991թ-ից Մոսկվայի կամերային նվագախմբի գեղարվեստական ղեկավարն ու դիրիժորն է, «Սանկտ Պետերբուրգի պալատներ» միջազգային փառատոնի հիմնադիր-ղեկավարը, Մոսկվայի «Կրեմլի թանգարանների երաժշտական գանձերը» համերգաշարի հիմնադիրը: Ձայնագրվել է Ավստրալիայի ռադիոյի և հեռուստատեսության համար: 2000թ-ից Սանկտ Պետերբուրգի արվեստի և գիտությունների ակադեմիայի ակադեմիկոս է: 1987թ. Անգլիայում արժանացել է «Տարվա լավագույն կոնցերտ» մրցանակին` Ա.Խաչատրյանի դաշնամուրային կոնցերտի համար: 2001թ. նրան շնորհվել է Էլիս Այլենդի Պատվո մեդալ, որով պարգևատրում են ներգաղթյալներին կամ նրանց զավակներին, որոնք բացառիկ ներդրում են կատարել ԱՄՆ-ում: 2004թ. արժանացել է Ռուսաստանի վաստակավոր արտիստի կոչման, 2012թ.` ՌԴ Բարեկամության շքանշանի` ռուս մշակույթը երկրից դուրս ճանաչել տալու գործում ներդրման համար: 2016թ. նշանակվել է Երևանի Ա.Սպենդիարյանի անվան օպերայի և բալետի ազգային ակադեմիական թատրոնի գեղարվեստական ղեկավար։
 

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար