ԷԴՈՒԱՐԴ ՄԱԹԵՎՈՍՅԱՆ

7 դեկտեմբեր, 1937 - 2 հունիս, 2020

Ծնվել է Երևանում: 1954թ-ից աշխատել է «Հայֆիլմ» կինոստուդիայում, 1972թ-ից` դոկումենտալ ֆիլմերի բաժնում: 1971թ. ավարտել է Մոսկվայի Կինեմատոգրաֆիայի բարձրագույն ինստիտուտը: Որպես կինոռեժիսոր և կինոօպերատոր հանդես է եկել ավելի քան 70 ֆիլմերում` «Երգում է Ռոզի Արմենը» (1965թ.), «Սուրեն Սպանդարյան» (1966թ.), «Հայերը երգի աշխարհում» (1968թ.), «Մարիետա Շահինյան» (1969թ.), «Գինին և գույնը» (1970թ.), «Էջմիածին» (1970թ.), «Մաեստրո» (1971թ.), «Ռեքվիեմ» (1971թ., 1989թ.), «Համո Բեկնազարյան» (1972թ.), «Քանդակագործ Արա Հարությունյան» (1976թ.), «Ստեփան Շահումյան» (1978թ.), «Արա Սարգսյան» (1979թ.), «Հայի աչքեր» (1980թ.), «Վարդանանք» (1981թ.), «Վարդգես Պետրոսյան» (1986թ.), «Մայր» (1987թ.), «Ժամացույց» (1993թ.) և այլն: 1987թ. արժանացել է Հայաստանի արվեստի վաստակավոր գործչի կոչման: Մահացել է Երևանում: