ՎԱՂԱՐՇԱԿ ՍՐՎԱՆՁՏՅԱՆ

9 ապրիլ, 1891 - 16 ապրիլ, 1958

Ծնվել է Արևմտյան Հայաստանի Վան քաղաքում: 1907թ-ից բնակվել է Կոստանդնուպոլսում: 1910թ-ից աշակերտել է Կոմիտասին: 1919թ-ից որպես երաժիշտ կատարելագործվել է Փարիզում, ապա` Բեռլինում: Մի քանի տարի աշխատել է Եգիպտոսում: 1928թ-ից հաստատվել է Բոստոնում, 1948թ-ից` Ֆրեզնոյում: ԱՄՆ-ի տարբեր քաղաքներում կազմակերպել է երգչախմբեր, հանդես եկել համերգներով: Հեղինակել է նվագախմբային, գործիքային, վոկալ և այլ երկեր: Զբաղվել է նաև ժողովրդական երգերի գրառմամբ, ուսումնասիրությամբ, մշակմամբ: Նրա հրատարակած երգերն ամփոփված են «Հայ երգեր», «Հոգիի ձայներ», «Նոր երգեր», «Հայ պարեր» և այլ ժողովածուներում: Մահացել է ԱՄՆ Ֆրեզնո քաղաքում: