Գրիգոր Օշականցի

Բանաստեղծ, հնագետ, եկեղեցական գործիչ

Փիլիպոս Վարդազարյան

Հրատարակիչ, մշակութային գործիչ

Նիկիտա Բալիև

Դերասան, բեմադրիչ, թատերական գործիչ

Հակոբ Մնձուրի

Արձակագիր

Զարեհ Խրախունի

Բանաստեղծ

Ալինա Փահլևանյան

Երաժշտագետ

Հակոբ Չոլաքյան

Ազգագրագետ, բանաստեղծ, գրականագետ, լեզվաբան

Գագիկ Գյուրջյան

Ճարտարապետ

Արմեն Ադամյան

Կիթառահար, երգիչ

Գագիկ Սիրավյան

Գեղանկարիչ

 

 

 

 

ՀԱԿՈԲ ԵՐԻՑՅԱՆ

Վինագործ

20 մայիս, 1915 - 26 հունիս, 2002

Ծնվել է Տրապիզոն քաղաքում: Վինագործություն սովորել է վարպետ Շահեն Երիցյանի Ղանթարի արհեստանոցում: 1930թ-ից եղել է Հրատպետկոմի ենթակայությամբ գործող արհեստանոցի վարպետ, որտեղ էլ ձեռք է բերել հմուտ մանդոլին պատրաստողի համբավ: 1933-35թթ աշխատել է «Հայֆիլմ» կինոստուդիայում` որպես լուսանկարիչ: Առաջին ջութակը պատրաստել է 1938թ.` Պետօպերայի ջութակահար Լիպարիտ Առաքելյանի պատվերով: 1941-45թթ մասնակցել է Երկրորդ համաշխարհային պատերազմին: 1946-51թթ աշխատել է Երևանի կենտրոնական ունիվերմագում` որպես երաժշտական նվագարանների բաժնի վարիչի տեղակալ: 1956թ. մասնակցել է իր առաջին` Մոսկվայում կայացած համամիութենական մրցույթին, որտեղ ներկայացրել է մեկ ջութակ, որն արժանացել է խրախուսական մրցանակի: 1963թ. պատրաստել է 30 սազ Բաքվի Գագարինի անվան մշակույթի տան պատվերով: 1965թ. եղել է Երևանի Ռ.Մելիքյանի անվան երաժշտական ուսումնարանի լարային գործիքների վերանորոգման պրակտիկ պարապմունքների ուսուցիչ: Հայտնի է եղել որպես դասական նվագարաններ վերանորոգող վարպետ: 1960-80թթ ստեղծել է ազգային այնպիսի նվագարաններ, որոնք ոչ միայն հնչողությամբ, այլև առանձնանում են նախշաձևի կատարման մանրանկարչական վարպետությամբ: Ստեղծել է քանոն, որն ուներ ոչ թե 24, այլ 26 լարանի հնչյունաշար: Սարդարապատի ազգագրական թանգարանում 1974թ., շուրջ մեկ տարի, ցուցադրվել են վարպետի պատրաստած ժողնվագարաններից մի քանիսը: Գործերից առանձնանում է նաև ընկուզենու ամբողջական փայտից պատրաստած քամանչան: Վինագործի անունն իր տեղն է գտել Բրյուսելում Կլոդ Լեբեի 1985թ. հրատարակած անթոլոգիայի 3-րդ հատորում: Ստեղծել է 20 ջութակ, 10 ալտ, 100 քանոն, 80 մանդոլին, 30 սազ, 10 ուդ, 5 քամանչա, 3 թառ, 1 սանթուր: Գերմանիայի Այզենախ քաղաքի Բախի տուն-թանգարանում է գտնվում Երիցյանի պատրաստած քանոնը: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար