ԳՈՀԱՐԻԿ ՂԱԶԱՐՈՍՅԱՆ

Կոմպոզիտոր, դաշնակահար

21 դեկտեմբեր, 1907 - 29 հոկտեմբեր, 1967

Ծնվել է Կոստանդնուպոլսում: 1926թ. ընդունվել է Փարիզի կոնսերվատորիա, որտեղ աշակերտել է Լազար Լևիին (դաշնամուր), Փոլ Դյուկասին (կոմպոզիցիա)։ Բնակվել է Կ.Պոլսում։ Զբաղվել է նաև մանկավարժական և երաժշտական-հասարակական գործունեությամբ։ 1934թ-ից համերգներով հանդես է եկել Եվրոպայի բազմաթիվ քաղաքներում և ԱՄՆ–ում։ Կատարել է հնագույն վարպետներից մինչև նորագույնների երկեր (ներառյալ Կոմիտասի և սեփական գործերը)։ Հեղինակել է կամերային գործեր, դաշնամուրային երկու կոնցերտ, «Մի մոր պատմություն» բալետը (ըստ Անդերսենի), ստեղծել է ծավալուն «պատմողական» հայկական երգի ինքնատիպ տեսակ (Ա.Իսահակյանի «Կտակ», Ս.Կապուտիկյանի «Սիրերգ», Մ.Մեծարենցի «Եկեսցե» խմբերգը դաշնամուրով և այլն)։ Մեղեդիական արվեստը արմատներով կապված է հայկական ժողովրդական և հոգևոր երգին, ներդաշնակությունը զարգացել է ժողովրդականի հետ սերտ միաձուլվող դիատոնիզմից, հասել մինչև խրոմատիզմի և դիսոնանսների գործածության 20-րդ դարին բնորոշ առատությանը։ Տպագրված են դաշնամուրային 24 էտյուդները, Կոմիտասի՝ 1913թ. հավաքած ժողովրդական երգերից 20-ի դաշնամուրային շարադրությունը, աշուղական երգերի մշակումներ և այլն: Մահացել է Փարիզում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար