ԹԵԼՄԱՆ ԳԵՎՈՐԳՅԱՆ

23 հունիս, 1934 - 30 օգոստոս, 1998

Ծնվել է ՀՀ Մեղրի քաղաքում: 1964-76թթ աշխատել է Երևաննախագիծ ինստիտուտի նախագծի գլխավոր ճարտարապետ: 1976-79թթ Գեոդեզիայի ինստիտուտում ստեղծել և ղեկավարել է ճարտարապետական հուշարձանների չափագրության բաժինը: 1979-98թթ աշխատել է ՀՀ պատմության ու մշակույթի հուշարձանների պահպանման և օգտագործման վարչությունում: Նրա նախագծերով Երևանում իրականացվել են «Մոսկվա» ամառային կինոթատրոնը (1966թ., ՀԼԿԵՄ մրցանակ` 1967թ.), ՀՀ կառավարության վարչական շենքը («3-րդ կառավարական տունը», 1976թ.), «Ձորագյուղ» ագգագրական թանգարան-թաղամասը (1982թ.), Դիլիջանի ազգագրական ճարտարապետական թանգարան-թաղամասը (1970-ական թթ): Աշխատությունները նվիրված են հայկական ճարտարապետական հուշարձաններում միջնադարյան չափային համակարգի կիրառման, հատակագծման և ծավալատարածային հորինվածքի համաչափ վերլուծությանը: Հրատարակության է պատրաստել «Հայկական ճարտարապետության համաչափությունները» մենագրությունը: 1968թ. դարձել է Երիտասարդ ճարտարապետների ստեղծագործության, 1989թ.` «Տարվա լավագույն կառույց և նախագիծ» համամիութենական ստուգատեսների և Սոֆիայի «Բիենալե 85»-ի դափնեկիր: Մահացել է Երևանում: