Կոստան Զարյան

Բանաստեղծ, արձակագիր, արվեստաբան, գրականագետ

Վաղարշ Վաղարշյան

Դերասան, դրամատուրգ

Սերգեյ Ասլամազյան

Թավջութակահար

Արշամ Տատրյան

Բանաստեղծ, լրագրող

Էդուարդ Վանունց

Հնչյունային օպերատոր

Դմիտրի Ատովմյան

Կոմպոզիտոր

Վահան Ռումելյան

Գեղանկարիչ

Լուսինե Բադալյան

Հաղորդավար

Սոֆիա Բաղդասարյան

Օպերային երգչուհի, դերասանուհի

 

 

 

 

ՔՆԱՐԻԿ ՎԱՐԴԱՆՅԱՆ

Գեղանկարչուհի

24 նոյեմբեր, 1914 - 25 դեկտեմբեր, 1996

Ծնվել է ՀՀ Շիրակի մարզի Քաֆթառլի գյուղում (այժմ` Փանիկ): Եղել է օպերային երգիչ Դավիթ Պողոսյանի կինը: 1933թ. ավարտել է Լենինականի շինարարական տեխնիկումը: 1933-34թթ աշխատել է Ալեքսանդր Թամանյանի ճարտարապետական արվեստանոցում` որպես տեխնիկ-ճարտարապետ: 1941թ. ավարտել է Երևանի Փ.Թերլեմեզյանի անվան գեղարվեստի ուսումնարանը, 1950թ.` Երևանի գեղարվեստաթատերական ինստիտուտը: 1950-52թթ սովորել է Մոսկվայի Հայկական կուլտուրայի տան գեղանկարչական բաժնում` Բ.Վ.Իոգանսոնի արվեստանոցում: 1942-44թթ աշխատել է Երևանի Հ.Թումանյանի անվան տիկնիկային թատրոնում` իբրև գլխավոր նկարիչ: Ձևավորել է մի շարք ներկայացումներ նաև Հայաստանի այլ թատրոններում: Եղել է բազմաժանր նկարիչ: Սկզբնական շրջանի աշխատանքներում վավերական ճշմարտացիությամբ պատկերել է աշխատավոր մարդու առօրյան («Ծխախոտի սածիլում», 1958թ., «Տրակտորիստուհի», 1960թ., «Մատղաշներ», 1962թ.): 1960-70-ական թվականներին նկարչուհու արվեստում ի հայտ են եկել մարդու և բնության դինամիկ ընկալումներ, գույնի, գծի, ձևի ուժգին կերպափոխումներ («Հորատում», 1964թ., «Հեծանվորդներ», 1965թ., «Հայաստան», 1968թ., «Ալյումին և երկաթ», 1974թ., «Ալեծուփ», 1976թ., «Կառուցողներ: Բամ», 1982թ., «Երգ ամառնային», 1983թ.): 1943թ-ից մասնակցել է հանրապետական և միջազգային ցուցահանդեսների: Անհատական ցուցահանդեսներ է ունեցել Երեանում (1965թ., 1978թ., 1981թ.), Լենինականում (1981թ.), Կիրովականում (1981թ.), Եղեգնաձորում (1982թ.), Թբիլիսիում (1982թ.): Եղել է Հայաստանի նկարիչների միության անդամ: 1967թ. արժանացել է Հայաստանի վաստակավոր նկարչի կոչման: Մահացել է Երևանում: