Նիկողայոս Տիգրանյան

Կոմպոզիտոր, դաշնակահար

Գրիգոր Տաթևյան

Ճարտարապետ, զինվորական

Վան Խաչատուր

Գեղանկարիչ, քանդակագործ, ճարտարապետ, բանաստեղծ

Էդուարդ Ավագյան

Բանաստեղծ, արձակագիր, թարգմանիչ

Հրանտ Աչյան

Ճարտարապետ

Վահրամ Բաբայան

Կոմպոզիտոր, դաշնակահար

Սամուել Հալաջ

Գեղանկարիչ

Սամսոն Ստեփանյան

Դերասան, բեմադրիչ

Արա Պապանյան

Շեփորահար

 

 

 

 

ՎԱՂԱՐՇԱԿ ՍԱՐԳՍՅԱՆ

Գեղանկարիչ

27 հունիս, 1924 - 21 սեպտեմբեր, 2004

Ծնվել է Նախիջևանում: 1926թ. տեղափոխվել է Երևան: Կրթությունը ստացել է Երևանի Էռնեստ Թելմանի անվան դպրոցում: Ավարտելով ութերորդ դասարանը` 1939-40թթ ուսումնական տարում ընդունվել է Փ.Թերլեմեզյանի անվան գեղարվեստի ուսումնարան: 1941թ. ընդհատել է ուսումը` Խորհրդային բանակ զորակոչվելու պատճառով: Հայրենական պատերազմն ավարտվելուց և զորացրվելուց հետո շարունակել է ուսումը գեղարվեստի ուսումնարանում, որն ավարտել է 1947թ.: 1949-55թթ սովորել է Երևանի գեղարվեստաթատերական ինստիտուտի գեղանկարչական բաժնում: 1953թ-ից մասնակցել է հանրապետական ցուցահանդեսների: 1956թ-ից եղել է Հայաստանի նկարիչների միության անդամ: Հիմնականում ստեղծագործել է թեմատիկ նկարի, բնապատկերի, նատյուրմորտի և դիմանկարի ժանրերում: Նրա ստեղծագործության վաղ շրջանը կազմել են հարազատ քաղաքին նվիրված գործերը` նշմարելի փողոցները, նրբանցքները, կամուրջները, թեմատիկ նկարներն ու նատյուրմորտները: 1960-ական թվականներին հատուկ ուշադրություն է հատկացրել ժանրային գեղանկարչությանը և թեմատիկ նկարին: Գործերում հատուկ տեղ է գրավում սևամորթների, ճոպոնացիների, եթովպացիների, չեխերի, գերմանացիների դիմանկարների շարքը: 1967թ. անհատական ցուցահանդես է ունեցել Չեխոսլովակիայում, որից հետո պարգևատրվել է Չեխոսլովակիա-ԽՍՀՄ բարեկամության կոմիտեի «Պատվո նշանով»: Անհատական ցուցահանդեսներ է ունեցել նաև Երևանում (1974թ., 1976թ.), Մոսկվայում (1976թ.), ԱՄՆ-ում (1989թ.) և այլուր: Աշխատանքները ցուցադրվել են նաև Լեհաստանում, Ֆրանսիայում, Պորտուգալիայում, Գերմանիայում, ԱՄՆ-ում և մի շարք Աֆրիկյան երկրներում: Լավագույն աշխատանքներից են` «Խաղաղ բակ» (1956թ.), «Հայաստան», «Աշխատանք», «Խաղաղություն», «Երջանկություն» եռանկարը (1962թ.), «Առավոտ» (1964թ.), ֆիզիկոս Է.Բարսեղյանի դիմանկարը (1970թ.) և «Հորատանցքի առջև: Երևանյան մետրո»-ն (1978թ.): 1980թ. արժանացել է Հայաստանի վաստակավոր նկարչի կոչման: Մահացել է Երևանում: