Արա Վրույր

Դերասան, լուսանկարիչ

Հատիկ Ազիզյան

Պատմաբան, լրագրող

Էվերտ Պայազատ

Կինոգետ, կինոսցենարիստ

Դանիել Երաժիշտ

Ջութակահար, դիրիժոր, երաժշտագետ

Թովմաս Պողոսյան

Երգիչ, բանահավաք

Նաիրա Շահիրյան

Դերասանուհի, հաղորդավար

Մանու Իրիցյան

Հաղորդավար, լրագրող

Նաիրա Կոլոզյան

Դերասանուհի

 

 

 

 

ՍՈՒՐԵՆ ՊԻՊՈՅԱՆ

Գեղանկարիչ

18 օգոստոս, 1922 - 25 մայիս, 2005

Ծնվել է Նոր Բայազետում (այժմ՝ Գավառ): 1933թ. տեղափոխվել է Երևան: 1938-42թթ սովորել է Երևանի գեղարդ տեխնիկումում (այժմ` Փ.Թերլեմեզյանի անվան գեղարվեստի ուսումնարան): Մասնակցել է Հայրենական Մեծ պատերազմին: 1953թ. ավարտել է Երևանի գեղարվեստաթատերական ինստիտուտը: Նույն թվականից մասնակցել է բազում հանրապետական և միջազգային ցուցահանդեսների, այդ թվում` 1972թ. կազմակերպած «Ուրարտուից մինչ մեր օրեր» խորագրով Հայ արվեստի ցուցահանդեսին Լուվրում (Փարիզ): Առաջին ստեղծագործական աշխատանքը` «Խոհանոցում», հաջողությամբ ցուցադրվել է համամիութենական ցուցահանդեսներում` Բաքվում, Մոսկվայում: 1955թ. մասնակցել է Էջմիածնի Մայր տաճարի, 1968թ.` Արին-Բերդի որմնանկարների վերակնգնման աշխատանքներին: 1970-74թթ դասավանդել է Երևանի Խ.Աբովյանի անվան մանկավարժական ինստիտուտում: 1956թ-ից եղել է Հայաստանի նկարիչների միության, 1964թ-ից` վարչության անդամ, 1971թ-ից` գեղանկարչական սեկցիայի նախագահը: Ստեղծել է բազմաթիվ գեղանկարչական աշխատանքներ: Նրա նախասիրած ժանրը թեմատիկ կոմպոզիցիան էր, մոնումենտալ կտավը: Ստեղծագործական կյանքի կենտրոնական թեման եղել է Հայոց Մեծ եղեռնը, որին նվիրված «Գաղթ» աշխատանքը, ունենալով երեք նախնական տարբերակ, հանգեց մեծածավալ աշխատաքի, որը` ավարտված լինելով 1980թ., արժանացել է «Տարվա լավագույն աշխատանք» հանրապետական մրցանակին: Ունի աշխատանքներ, նվիրված շինարարներին, մարզիկներին, գիտնական-աստրոֆիզիկոսներին, ուսանող-երիտասարդներին և այլոց: Սկզբնական շրջանը բնորոշվում է սոցռեալիստական փափուկ, հյութեղ գույնով վրձնած աշխատանքներով, միջինը` զուսպ, մինիմալիստական գունավորմամբ, կոշտ, արտահայտված ծավալներով բրուտալ մի ոճ, իսկ ուշ շրջանը` ավելի վառ, երբեմն սառը գույներով պատկերված սքանչելի բնանկարներով և նատյուրմորտներով: Գլխավոր գործերից են` «Զ.Ազիզյանի դիմանկարը», «Այրիվանք», «Գարնանային ջրեր», «Հրազդանի կամուրջը», «Արամայիս Միրիբյանի դիմանկարը», «Թռչում են կռունկները», «Խաղաղության պաշտպանության դիրքերում», «Կիևի գրավումը», «Ազատագրում», «Դեպի նոր Հայաստան», «Ճանապարհ (Կոմիտաս)», «Աստրոֆիզիկոսներ» և այլն: Աշխատանքներից գտնվում են Հայաստանի ազգային պատկերասրահում: 1962թ. «Թռչում են կռունկները» աշխատանքի համար արժանացել է ՀՆՄ մրցանակին, 1970թ.` «Աշխատանքային արիության համար» հոբելյանական մեդալի: 1972թ. արժանացել է Հայաստանի վաստակավոր նկարչի կոչման: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար