Արշավիր Մելիքյան

Հրապարակախոս, պետական գործիչ

Ալեքսանդր Մյասնիկյան

Պետական գործիչ, գրականագետ

Գաբրիել Արու

Դրամատուրգ, արձակագիր, թարգմանիչ

Արամ Արման

Բանաստեղծ

Արարատ Հովսեփյան

Քանդակագործ

Խաչիկ Շիրակյան

Քամանչահար

Հրաչյա Պողոսյան

Ճարտարապետ

Լաուրա Գևորգյան

Դերասանուհի

Արամ Հայթյան

Պատմաբան

Սվետլանա Խանումյան

Ասմունքող, փիլիսոփա

Արմեն Թութունջյան - Չիկո

Թմբկահար, ջազմեն, հաղորդավար

Աշոտ Աղաբաբյան

Արձակագիր, լրագրող

Արթուր Բախտամյան

Հաղորդավար, ռեժիսոր

Նիկոլ Աղաբաբյան

Գեղանկարիչ

 

 

 

 

ՇԱՀԵՆ ՀԱԿՈԲՅԱՆ

Բեմանկարիչ

6 դեկտեմբեր, 1920 - 6 օգոստոս, 2007

Ծնվել է Կոստանդնուպոլսում: Փոքր հասակից ծնողների հետ տեղափոխվել է Եգիպտոս, այնտեղից` Հայաստան։ 1941թ. ավարտել է Երևանի Փ.Թերլեմեզյանի անվան գեղարվեստի ուսումնարանը, 1951թ.` Երևանի գեղարվեստաթատերական ինստիտուտը (դիպլոմային աշխատանքը` Ռ.Գլիերի «Կարմիր կակաչ» բալետի ձևավորումը, իրականացվել է Երևանի Ա.Սպենդիարյանի անվան օպերայի և բալետի թատրոնում): 1945-53թթ ղեկավարել է Երևանի Ալեքսանդր Սպենդիարյանի անվան օպերայի և բալետի թատրոնի նկարչական դեկորատիվ աշխատանքները: Այնուհետև աշխատել է հանրապետության տարբեր թատրոններում, իսկ 1956թ-ից եղել է Երևանի հեռուստատեսության ստուդիայի գլխավոր նկարիչը: Աշխատել է հիմնականում բեմանկարչության բնագավառում: Լավագույն աշխատանքներից են` Տ.Չուխաճյանի «Կարինե»-ի (1950թ., Երևանի երաժշտական կոմեդիայի թատրոնում), Ցու.Մեյտուսի «Երիտասարդ գվարդիա»-ի (1954թ.), Ջ.Վերդիի «Տրուբադուր»-ի (1957թ., երկուսն էլ` Ա.Սպենդիարյանի անվան օպերայի և բալետի թատրոնում), Լ.Աբրահամյանի «Սայաթ-Նովա»-ի (1963թ., Լենինականի դրամատիկական թատրոնում), Մ.Շոլոխովի «Մարդու ճակատագիրը» (1958թ.), Վ.Սարոյանի «Քո կյանքի ժամանակը» (1965թ.), Ե.Օտյանի «Միջնորդ տեր պապան» (1970թ., երեքն էլ` Երևանի հեռուստատեսության ստուդիայում) և այլ բեմադրությունների ձևավորումները: Եղել է մի շարք արդյունաբերական, գյուղատնտեսական ցուցահանդեսների և հոբելյանական հանդեսների նկարչական հարդարումների հեղինակ: 1949թ-ից մասնակցել է հանրապետական և միջազգային ցուցահանդեսների: Նրա նկարչական ձևավորումներից նմուշներ ցուցադրվել են Երևանում, Մոսկվայում, Թբիլիսիում, Բաքվում: 1965թ. արժանացել է Հայաստանի վաստակավոր նկարչի կոչման: Մահացել է Երևանում: