Հովհաննես Վանանդեցի

Բանաստեղծ, մշակութային գործիչ

Էդուարդ Աբալյան

Դերասան, կինոռեժիսոր

Ռաֆիկ Խաչատրյան

Քանդակագործ

Զավեն Կոշտոյան

Քանդակագործ

Լևոն Մութաֆյան

Թատերագետ

Աղվան Վարդանյան

Պետական գործիչ, բանաստեղծ

Շահանե Մեժլումյան

Հաղորդավար, լրագրող

Աննա Կասյան

Օպերային երգչուհի

Միլիտոն Կիրակոսյան

Բալետի արտիստ

 

 

 

 

ՀԱԿՈԲ ԿԱՐԱՊԵՆՑ

Արձակագիր

9 օգոստոս, 1925 - 20 հոկտեմբեր, 1994

Հակոբ Կարապետյան

Ծնվել է Իրանի Թավրիզ քաղաքում: Ավարտել է Թեհրանի Սեն Լուի ֆրանսիական քոլեջը և Հայկազյան-Թամարյան հայկական դպրոցը: 1944թ. եղել է Թեհրանի Հայ Պատանեկան մշակութային միության հիմնադիրներից: 1946թ. այն վերանվանվել է Հայ Երիտասարդական մշակութային միություն, իսկ 1950թ.` «Հայ Մշակույթային Արարատ Միություն»: Վերջինս ընդարձակվելով և աճելով վերանվավեց «Հայ Մշակույթային Արարատ Կազմակերպություն»: 1947-49թթ սովորել է ԱՄՆ-ի Միսսուրի նահանգի, 1950-52թթ` Նյու Յորքի Կոլումբիայի համալսարաններում: Մասնագիտացել է լրագրության մեջ` երկրորդ մասնագիտություն ընտրելով հոգեբանությունը: 1951-53թթ Քալիֆորնիայում բնակվելուց հետո, տեղափոխվել է Նյու-Յորք, որտեղ մեկ տարի դասավանդել է Քորնել համալսարանի լեզվաբանական բաժնում: 1954-79թթ աշխատել է «Ամերիկայի ձայն» ռադիոկայանի հայկական բաժնում: Հեղինակել է պատմվածքներ, նորավեպերի ժողովածուներ` «Անծանոթ հոգիներ» (1970թ.), «Միջնարար» (1981թ., Հայկաշեն Ուզունյան գրական մրցանակ), «Անկատար» (1987թ.), վեպեր` «Կարթագենի դուստրը» (1972թ., Հայկաշեն Ուզունյան գրական մրցանակ), «Ադամի գիրքը» (1983թ., ՀԲԸՄ Ալեք Մանուկյան և ֆրանսահայ ԳՄ Է.Գավուքճյան-Այվազյան գրական մրցանակներ): Կյանքի վերջին տարիներին հրատարակել է ևս 2 հայերեն հատոր` «Երկու աշխարհ» գրական փորձագրություններ (1992թ.) և «Մի մարդ ու մի երկիր» (1994թ.) պատմվածքները: Մահացել է ԱՄՆ Բոստոն քաղաքում: Կարապենցի անունով է կոչվում Երևանի թիվ 6 հիմնական դպրոցը (1995թ-ից):