ԱԼԵՔՍԱՆԴՐ ՀՈՎՀԱՆՆԻՍՅԱՆ

24 ապրիլ, 1895 - 15 մայիս, 1949

Սաշա Հովհաննիսյան

Ծնվել է Բաքվում: Մասնակցել է սիրողական, իսկ 1914թ-ից` Սիրանույշի, Հովհաննես Աբելյանի խմբերի ներկայացումներին: 1918թ. եղել է Բաքվի կոմունայի պաշտպաններից, ապա անցել է Պարսկաստան` միացել Արմեն Արմենյանի թատերախմբին: 1921թ. վերադարձել է Բաքու, աշխատել նաև Թիֆլիսի, Ալեքսանդրապոլի քաղլուսվարի, Երևանի հեղափոխության թատրոններում: 1925-49թթ եղել է Բաքվի հայկական թատրոնի առաջատար ուժերից, դրամատիկական տաղանդով, նուրբ հումորով օժտված արտիստ: Խաղացել է հետևյալ ներկայացումներում` Գ.Սունդուկյանի «Պեպո» (Պեպո, Զիմզիմով), «Քանդած օջախ» (Փարսիդ), Ա.Շիրվանզադեի «Նամուս» (Ռուստամ, Բարխուդար), «Պատվի համար» (Էլիզբարով), Յուժին-Սումբատովի «Դավաճանություն» (Օթար բեկ), Գոգոլի «Ռևիգոր» (Քաղաքագլուխ), Վ.Շեքսպիրի «Օթելլո» (Օթելլո), Ջաբարլիի «Յաշար» (Շահնազար), Վ.Վաղարշյանի «Օղակում» (Մելիք աղա), «Վանքաձոր» (Ասլան ամի) և այլն: 1940թ. արժանացել է Ադրբեջանի ժողովրդական արտիստի կոչման: Մահացել է Բաքվում: