Տիգրան Քելեկյան

Դիվանագետ, հավաքորդ

Գասպար Իփեկյան

Թատերական գործիչ

Սիրան Ալավերդյան

Դերասանուհի

Լեմվել Մարության

Թարգմանիչ, լրագրող

Հրաչյա Քոչար

Արձակագիր

Սուսաննա Մկրտչյան

Գեղանկարչուհի

Շավարշ Վարդանյան

Կինոօպերատոր, կինոռեժիսոր

Կարեն Քոչարյան

Հաղորդավար, ռեժիսոր

Արմեն Բադալյան

Օպերային երգիչ

Արևիկ Գևորգյան

Դերասանուհի, հաղորդավար

 

 

 

 

ՌՈՒԲԵՆ ՏԵՐՏԵՐՅԱՆ

Երաժշտագետ

Ծնվել է 1959թ. հուլիսի 3-ին, Երևանում: Կոմպոզիտոր Ավետ Տերտերյանի որդին է: 1977-82թթ ուսանել է Երևանի Կոմիտասի անվան պետական կոնսերվատորիայի երաժշտագիտության բաժնում, 1982-86թթ` ԽՍՀՄ մշակույթի նախարարության արվեստի գիտահետազոտական ինստիտուտում: 1982-94թթ դասավանդել է տեսական առարկաներ Երևանի կոնսերվատորիայում: 1983-85թթ աշխատել է Հայաստանի կոմպոզիտորների միությունում` որպես ավագ խորհրդատու: 1985-88թթ եղել է Հայաստանի պետական ֆիլհարմոնիայի փոխտնօրենը, 1989-93թթ` Հայհամերգին կից «Դերասան» համերգների կազմակերպչական կոպերատիվի տնօրենը: 1995-2000թթ աշխատել է Բուենոս-Այրեսի Հայ կենտրոնի թատերախմբում` որպես երաժշտական ձևավորող: 2003-10թթ դասավանդել է Կուենկայի (Էկվադոր) համալսարանի արվեստի ֆակուլտետում, 2004-08թթ եղել է համալսարանի երաժշտական բաժնի տնօրենը, 2008-10թթ` երաժշտական կրթության մագիստրատուրայի տնօրենը, 2009-10թթ` Էկվադորի Կիտո քաղաքի կաթոլիկ համալսարանի երաժշտական կրթության մագիստրատուրայի տնօրենը: 2011թ-ից Երևանի կոնսերվատորիայում պատմության և տեսության ամբիոնի դասախոս է և պրոռեկտոր: Հեղինակել է ավելի քան 150 գիտական և հրապարակախոսական հոդվածներ, որոնք հրատարակվել են գիտական ժողովածուներում, ամսագրերում և թերթերում` Երևանում, Մոսկվայում, Բունեոս-Այրեսում, Կուենկայում, Կիտոյում (հայերեն, ռուսերեն, իսպաներեն, անգլերեն լեզուներով): Հեղինակել է նաև ավելի քան 30 ռադիո և հեռուստահաղորդումներ: Հրատարակվել են նրա «Ավետ Տերտերյան» (1989թ., ռուսերեն), «Երաժշտական դրամատուրգիա» (2007թ., ռուսերեն), «Ավետ Տերտերյան. Երկխոսություններ» (2011թ., ռուսերեն), «Խիստ ոճի կոնտրապունկտ» (2012թ., իսպաներեն), «Կոնտրապունկտ. Ֆուգա» (2012թ., իսպաներեն) աշխատությունները: Տարբեր տարիների եղել է Հայաստանի մշակույթի նախարարության գնահատման հանձնաժողովի անդամ, Հայաստանի մինիստրների սովետին առընթեր ռադիոյի և հեռուստատեսության պետական կոմիտեի երաժշտական հաղորդումների գեղարվեստական խորհրդի անդամ: Հայպետֆիլհարմոնիայի գեղարվեստական խորհրդի, պետական հանձնախմբերի և հասարակական կազմակերպությունների անդամ է: Արվեստագիտության թեկնածու է, կրթական ծրագրերի հեղինակ, Հայաստանում և Էկվադորում արվեստի և երաժշտական փառատոների կազմակերպիչ, Տեմպուս միջազգային ծրագրի փորձագետ, Հայաստանի կոմպոզիտորների միության անդամ:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար