ԱՐԱ ԲԵՐԲԵՐՅԱՆ

Օպերային երգիչ

14 մայիս, 1930 - 21 փետրվար, 2005

Ծնվել է ԱՄՆ Դետրոյթ քաղաքում: Նախական կրթությունն ստացել է տեղի հանրային վարժարանում: Դպրոցից հետո ընդունվել է Միչիգանի համալսարան: Համալսարանում ուսանած տարիներին հանդես է եկել մի քանի տարբեր երգչախմբերում: Երգարվեստի ուսուցիչը եղել է դոկտոր Քենեֆ Ռեստերմանը, ով մեծապես նպաստել է երգչի արտիստական ընդունակության զարգացմանը: Միչիգանի համալսարանում Դոկտոր Բարտոլոյի դերերգով հանդես է եկել Մոցարտի «Ֆիգարոյի ամուսնությունը» օպերայում, որից հետո ընդունվել է համալսարանի ուսանողական օպերային խումբ: 1958թ. հրավեր է ստացել երգելու Աբրահամի դերերգը Է.Լադերմանի «Սառա» օպերայի հեռուստատեսային ներկայացման մեջ, որից հետո համերգային ելույթներ է ունեցել Վաշինգտոնի «Ֆիլիպս» պատկերասրահում: 1959թ. տեղափոխվել է Նյու Յորք և համագործակցել Նյու-Օրլեանս օպերային ընկերության հետ: Հանդես է եկել շուրջ 100 օպերաներում, որոնցից են` Գունոյի «Ֆաուստ» (Մեֆիստոֆել), Ռոսսինիի «Սևիլյան սափրիչ» (Դոն Բազիլիո), Վերդիի «Դոն Կառլոս» (Ֆիլիպ), «Ռիգոլետտո» (Սպարաֆուչիլե), «Աիդա» (Թագավոր), Լ.Դելբիի «Լակմե» (Նիլականտա), Ք.Սեն-Սանսի «Սամսոն և Դալիլա» (Աբեմելիխին), Վերդիի, Բրամսի և Մոցարտի «Ռեքվիեմներ», Հայդնի «Աշխարհի ստեղծումը» և այլն: 1962թ. Նյու-Յորքում ելույթ է ունեցել «Լինքըլն» համերգային մեծ սրահի բացման ժամանակ: Մշտական մասնակցություն է ունեցել հայկական երեկույթներին: 1962թ. ամերիկահայության մշակութային տոնին մասնակցել է հայկական երգերի կատարմամբ` Ա.Խաչատրյանի, Հ.Պերպերյանի, Ա.Տիգրանյանի ստեղծագործություններով: 1970թ. մենահամերգով հանդես է եկել Երևանում: 1979թ-ից երգել է Նյու Յորքի Մետրոպոլիտեն թատրոնում: Մահացել է ԱՄՆ Ֆլորիդա քաղաքում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար