Գալուստ Շերմազանյան

Բանահավաք, դրամատուրգ

Գարեգին Սրվանձտյան

Ազգագրագետ, եկեղեցական գործիչ, բանասեր-բանահավաք

Միքայել Փորթուգալ

Բանասեր, հայագետ

Մամիկոն Գևորգյան

Դրամատուրգ, թարգմանիչ

Մուշեղ Աղայան

Կոմպոզիտոր, երաժշտագետ

Տիրան Երկանյան

Ճարտարապետ

Արշալույս Արշարունի

Բանաստեղծ, գրականագետ, թատերագետ

Սերգեյ Սարինյան

Գրականագետ

Առաքել Առաքելյան

Գեղանկարիչ

Սերժ Առաքելյան

Բանաստեղծ, լրագրող

Արմեն Սմբատյան

Կոմպոզիտոր

Արմեն Միրաքյան

Օպերային երգիչ

 

 

 

 

ԼԵՎՈՆ ԲԱՇԱԼՅԱՆ

Արձակագիր, թարգմանիչ

24 սեպտեմբեր, 1868 - 2 փետրվար, 1943

Ծնվել է Կոստանդնուպոլսում: 1883թ. ավարտել է տեղի Պերպերյան վարժարանը: 1884-95թթ եղել է «Արևելք»-ի, «Մասիս»-ի, «Հայրենիք»-ի օգնական-խմբագիրը: 1898-1901թթ Լոնդոնում խմբագրել է «Նոր կյանք» հանդեսը: 1902թ-ից ապրել ու աշխատել է Բաքվում, որոշ ժամանակ նաև` Պետերբուրգում: 1920թ. մշտական բնակություն է հաստատել Փարիզում, որտեղ 1928-32թթ խմբագրել «Լը Ֆուայե» («Օջախ») ֆրանսերեն-հայերեն ամսաթերթը: 1922-23թթ մասնակցել է Լոզանի կոնֆերանսին` որպես հայ ազգային պատվիրակության խորհրդական: Իբրև ՀԲԸՄ վարչության անդամ և ներկայացուցիչ` 1924թ. այցելել է Հայաստան: Մասնակցել է ՀՕԿ-ի աշխատանքներին, նպաստել հայրենիքի և սփյուռքի կապերի ամրապնդմանը: Գրական գործունեությունը սկսել է 1884թ.` թարգմանություններով (ֆրանսերենից), հոդվածներով, քրոնիկոններով: 1888թ. տպագրվել է նրա անդրանիկ նովելը` «Հմայաթափ»-ը: Հայ նովելագրության ընտիր էջերից են «Ղալաթիո րեսդը» (1889թ.), «Խաչախճին» (1890թ.), «Պալըխճի Գևորգ» (1890թ.), «Տերտերին ուխտը» (1890թ., էկրանավորել է «Հայֆիլմ»-ը, 1965թ.), «Աղավինիներ» (1893թ.), «Կաղանդ» (1898թ.), «Ցեղին ձայնը» (1898թ.) և այլն: Արվեստի լիարաժեք նմուշներ են նրա ակնարկ-ուղեգրությունները` «Միջերկրականի հիշատակարաններ» (1891-92թթ), «Արմաշի ուխտագնացությունը» (1892թ.), «Թուրքհպատակի մը արկածները մեծ պատերազմի ատեն» (1939թ.): Նրա գրչին են պատկանում հարյուրավոր քրոնիկներ, գրադատականներ, հրապարակախոսական հոդվածներ, քաղաքական տեսություններ: Ֆրանսերենից թարգմանել է Ժյուլ Մառի, Ժյուլ Վեռնի, Սարդուի և այլոց ստեղծագործություններից: Գրողի մի շարք ստեղծագործություններ թարգմանվել են ռուսերեն, ֆրանսերեն, արաբերեն և այլ լեզուներով: Օգտագործել է Թափառիկ, Ծիծեռնակ, Լ.Զարթումյան կեղծանունները: Եղել է «Ութսունականներ» գրական շարժման նշանավոր դեմքերից: 1943թ. Փարիզում լույս է տեսել նրա գեղարվեստական ստեղծագործությունների առաջին հատորը՝ Արշակ Չոպանյանի առաջաբանով։ 1945թ. նրա ստեղծագործությունները հրատարակվել է նաև Հալեպում, 1965թ.՝ Երևանում: Մահացել է Ֆրանսիայի Վիշի քաղաքում, թաղված է Փարիզում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար