Յուզեֆ Դիոնիս Մինասովիչ

Բանաստեղծ, թարգմանիչ, իրավաբան

Ներսես Սարգիսյան

Բանասեր, աղբյուրագետ

Թադեոս Թոռնյան

Բանասեր, աստվածաբան

Թադևոս Ավդալբեկյան

Տնտեսագետ, հայագետ, գրականագետ, պատմաբան

Նվարդ Թումանյան

Գրականագետ

Վարդ Արսլան

Արվեստաբան, պատմաբան, գրականագետ

Եվգենի Լևխանյան

Գեղանկարիչ, բեմանկարիչ

Օլգա Սանահյան

Արձակագիր, թարգմանիչ

Արմեն Ջիգարխանյան

Դերասան, բեմադրիչ

Ասիլվա

Գեղանկարչուհի, քանդակագործ

Անտոն Աղայանց

Բեմադրիչ

 

 

 

 

ԱՍԱՏՈՒՐ ԱՍԱՏՐՅԱՆ

Գրականագետ

3 սեպտեմբեր, 1903 - 9 դեկտեմբեր, 1964

Ծնվել է Արևմտյան Հայաստանի Վանի վիլայեթի Բերդակ գյուղում: Նախնական կրթությունն ստացել է մանկատներում։ 1933թ. ավարտել է Երևանի հայկական մանկավարժական ինստիտուտը։ Սովորելուն զուգահեռ աշխատել է որպես «Հիդրոշինարար» թերթի խմբագիր։ Հետագայում եղել է Վաղարշապատի «Բամբակի համար» շրջանային թերթի խմբագիրը։ 1935-36թթ եղել է «Խորհրդային դպրոց» թերթի խմբագիրը։ 1935-38թթ սովորել է Երևանի պետական համալսարանի ասպիրանտուրայում։ Երիտասարդ տարիներին գրել է բանաստեղծություններ, որոնցից մի քանիսը տպագրվել է «Ասուր Վերկառն» ծածկանունով։ Հետագայում թողել է պոեզիան և զբաղվել բացառապես գրականագիտությամբ։ 1934թ-ից եղել է Հայաստանի գրողների միության անդամ։ 1938թ-ից աշխատել է «Արմֆանի» գրականության ինստիտուտում` որպես գիտաշխատող։ 1941թ. «Ավետիք Իսահակյանի ստեղծագործությունը» թեմայով դիսերտացիա է պաշտպանել և ստացել բանասիրական գիտությունների թեկնածուի աստիճան։ Երկար տարիներ եղել է ՀՀ ԳԱԱ Մ.Աբեղյանի անվան գրականության ինստիտուտի նոր գրականություն բաժնի վարիչը։ Հեղինակել է «Ավետիք Իսահակյանի կյանքը և ստեղծագործությունը» (1940թ.), «Ղազարոս Աղայան (կյանքն ու գործունեությունը)» (1940թ.), «Ավագ լեյտենանտ Պատրիկ Գազազյան» (1943թ.), «Հակոբ Հակոբյան» (1947թ., 1955թ.), «Սովետահայ գրականության պատմության պերիոդիզացիայի հարցի շուրջը» (1947թ.), «Գրական-քննադատական ակնարկներ» (1951թ.), «Հայ գրականությունը և ռուսական առաջին ռևոլյուցիան» (1956թ.), «Սոցիալիստական վերածննդի հայ գրականության պատմությունից» (1959թ.), «Հարություն Սըվաճյան» (1967թ.) և այլ աշխատություններ: Մասնակցել է նաև հայ դասականների երկերի ակադեմիական հրատարակությունների պատրաստմանը։ Մահացել է Երևանում։