Նիկոլ Աղբալյան

Գրականագետ, պետական գործիչ

Հարություն Զաքիև

Ճարտարագետ, ճարտարապետ

Լևոն Կարախան

Քամանչահար

Հրայր Մուրադյան

Գրականագետ, դրամատուրգ

Վանո Մուրադելի

Կոմպոզիտոր

Ամալյա Մխիթարյան

Դերասանուհի, տիկնիկավար

Սիմոն Սիմոնյան

Արձակագիր, հրապարակախոս, բանասեր

Վազգեն Ամիրբեկյան

Արձակագիր, լրագրող

Լուիզա Պոզապալյան

Օպերային երգչուհի

Ժաննա Բլբուլյան

Դերասանուհի, երգահան

Մարտին Ահարոնյան

Կիթառահար, երգահան, գեղանկարիչ

 

 

 

 

ՄԱՐԻՆԵ ԱԲՐԱՀԱՄՅԱՆ

Դաշնակահար

Ծնվել է 1951թ. նոյեմբերի 25-ին, Երևանում: Արձակագիր, հոգեբան Էլդա Գրինի դուստրն է, դերասանուհի Աննա Էլբակյանի քույրը: 10 տարեկանից մշտական հանդես է եկել մենահամերգներով, իսկ 12-ից, կատարելով Բեթհովենի 2-րդ կոնցերտը Հայաստանի պետական սիմֆոնիկ նվագախմբի հետ, ամեն տարի նոր ծրագրերով համագործակցել է տարբեր սիմֆոնիկ նվագախմբերի հետ: Էքստեռն, ոսկե մեդալով ավարտել է Երևանի Պ.Չայկովսկու անվան միջնակարգ մասնագիտական երաժշտական դպրոցը և ընդունվել Մոսկվայի Պ.Չայկովսկու անվան պետական կոնսերվատորիայի դաշնամուրային բաժին՝ Յակով Ֆլիերի դասարան: 1975թ. ավարտել է նաև ասպիրանտուրան: 1975թ-ից Հայաստանի պետական Ֆիլհարմոնիայի մենակատար է: 1980թ-ից դասավանդում է Երևանի Կոմիտասի անվան պետական կոնսերվատորիայում (1999թ-ից` պրոֆեսոր): Թողարկել է 5 ձայնասկավառակ և մեկ տեսասկավառակ: Նկարահանել է շուրջ 17 տեսահոլովակ: 1986թ. «Երևան» հեռուստաստուդիան նրա մասին նկարահանել է ֆիլմ՝ «Նվագում է Մարինե Աբրահամյանը»: Ելույթներ է ունեցել աշխարհի նշանավոր բեմերում՝ Մոսկվայում, Սանկտ Պետերբուրգում, նախկին ԽՍՀՄ հանրապետություններում, Հեռավոր Արևելքում, Չեխիայում, Սլովակիայում, Լեհաստանում, Գերմանիայում, Ֆրանսիայում, Իտալիայում, Հունաստանում, Իսպանիայում, Թուրքիայում: Հանդես է եկել աշխարհահրչակ դիրիժորների հետ՝ Կ.Կոնդրաշին, Յ.Սիմոնով, Վ.Դուդարովա, Հ.Չեքիջյան, Մ.Մալունցյան, Պ.Կոգան, Ս.Տուրչակ, Ի.Բելոհլավեկ, Գ.Բաներ, Կ.Յամադա, Մ.Ստար, Կ.Էտտի, Մ.Շոստակովիչ, Օ.Դիմիտրիադի, Դ.Խանջյան, Ն.Արման, Ռ.Մանգասարյան, Յ.Դավթյան, Ա.Ղարաբեկյան, Տ.Բուխոլց և շատ ուրիշներ: Կատարումներով հանդես է եկել «Համաշխարհային դաշնամուրային գրականության ընտրանի», «Նվիրումներ» համերգաշարերին, Էլդա Գրինի 85-ամյկին, Շառլ Ազնավուրի 90-ամյակին, Սերգեյ Փարաջանովի 90-ամյակին նվիրված համերգային երեկոներին, իսպանական, ֆրանսիական, գերմանական և հայ դաշնամուրային երաժշտությանը նվիրված թեմատիկ համերգներին և Հայոց Ցեղասպանությանը (1915թ.) նվիրված համերգներին: Կատարել է դասական, ռոմանտիզմի, իմպրեսիոնիզմի դարաշրջանների և ժամանակակից կոմպոզիտորների ստեղծագործություններ: Առնո Բաբաջանյանը դաշնակահարին է նվիրել իր հանրահայտ «Նոկտյուրն»-ը: Դարձել է մի շարք հանրապետական և միջազգային երաժշտական փառատոների և մրցույթների դափնեկիր՝ Երևանի (1969թ.), Մոսկվայի (1971-74թթ, 1979թ.), Պրահայի (1974թ.), Մադրիդի (1979թ.), Գերմանիայի (2011): Բազմիցս հանդես է եկել որպես միջազգային երաժշտական մրցույթների ժյուրիի անդամ և նախագահ: Գերմանիայում անցկացվող Կոմիտասի մրցույթ-փառատոնի կազմակերպիչներից է: 2012թ. մասնակցել է Մոսկվայում և Մինսկում կայացած Յ.Ֆլիերի 100-ամյակին նվիրված փառատոնին: 2008թ. արժանացել է Հայաստանի վաստակավոր արտիստի կոչման:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար