ԱՐԱՄ ԱՎԱԳՅԱՆ

Ծնվել է 1976թ. փետրվարի 28-ին, ՀՀ Վայք քաղաքում: Հաճախել է Վայքի թիվ 2 միջնակարգ դպրոց և երաժշտական դպրոցի դաշնամուրի բաժին: 11 տարեկան հասակից սկսել է ստեղծագործել: 1993թ. ընդունվել է Հայաստանի պետական ջազային քոլեջ: 1999թ. աշխատել է Հայաստանի Երգի պետական թատրոնում: 2001թ. արժանացել է «Տարվա լավագույն կոմպոզիտոր», 2002թ.` Լոս Անջելեսի «Անուշ» մրցանակներին` որպես «Տարվա լավագույն երգ»: Հեղինակել է մի շարք երգեր, որոնք կատարել են Հայաստանի հայտնի և ճանաչված կատարողներ և արժանացել տեղական և միջազգային մրցանակների: Շրջագայել է աշխարհի բազմաթիվ երկրներ` Իրան, ԱՄՆ, Ռուսաստան և այլուր: Գրել է երաժշտություն ֆիլմերի համար: Թողարկել է «Շնորհակալություն» ձայնասկավառակը: Բնակվում է ԱՄՆ-ի Լոս Անջելես քաղաքում: