ՎԱՐՈՍ ՇԱՀՄՈՒՐԱԴՅԱՆ

Գեղանկարիչ

2 սեպտեմբեր, 1940 - 13 հուլիս, 1977

Ծնվել է Լենինականում (այժմ` Գյումրի): 1967թ. ավարտել է Մոսկվայի գեղարվեստի բարձրագույն ուսումնարանը: 1967-74թթ դասավանդել է Երևանի գեղարվեստաթատերական, 1976-77թթ` Երևանի Խ.Աբովյանի անվան հայկական պետական մանկավարժական ինստիտուտում: Հեղինակ է երփնագիր նատյուրմորտների, դիմանկարների, թեմատիկ հորինվածքների, գրաֆիկական թերթերի: 1960-ականների գործերում ազգային, դասական և արդիական արվեստի ձևամիջոցների զուգորդմամբ հասել է ընդհանրացումներով հարուստ լուծումների: Գործերից են` «Նատյուրմորտ: Լուսամուտի մոտ» (1962թ.), «Մայրություն» (1967թ.), «Իմ նախնիները» (1968թ.), «Ռեքվիեմ», «Հին օրհնություն» (երկուսն էլ` 1969թ.): 1970-ականներին դիմել է երկրաչափական կառուցիկ ձևերով հարուստ դեկորատիվ հնարանքների` «Պատուհան» և «Արվեստանոցում» նկարաշարեր (1970-76թթ), «Կեսօր» (1972թ.), «Ձկներ և կարմիր բալեր» (1974թ.), «Ձոն» (1975թ.), «Թիթեռ», «Ալբատրոս» (երկուսն էլ` 1976թ.), «Սոնետ. Գարուն-Աշուն» (1977թ.) և այլն: Ստեղծել է նաև հորինվածքներ` արծնապատման տեխնիկայով («Նկարչուհու մոտ», 1974թ.): Անհատական ցուցահանդեսներ է ունեցել  Երևանում (1977թ., 1980թ.), Տարտուում (1981թ.): Գործերից պահվում են Հայաստանի ազգային պատկերասրահում, Երևանի Ժամանակակից արվեստի թանգարանում, Մոսկվայի Տրետյակովյան պատկերասրահում: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար