ՍԱԹԵՆԻԿ ՉՄՇԿՅԱՆ

Դերասանուհի

11 հունիս, 1849 - 24 դեկտեմբեր, 1907

Եղիսաբեթ Տեր-Աբրահամյան

Ծնվել է Թիֆլիսում: Եղել է դերասան, բեմադրիչ Գևորգ Չմշկյանի կինը և արևելահայ պրոֆեսիոնալ թատրոնի հիմնադիրներից: Դպրոցական տարիներից (1863թ.) նվիրվել է բեմին` սկզբում որպես երգչուհի (մեցցո-սոպրանո): Հետագայում խաղացել է Գևորգ Չմշկյանի թատերախմբում: Հատկապես աչքի է ընկել բնութագրական և դրամատիկական դերերով, հատկապես Գ.Սունդուկյանի պիեսներում: Մասնակցել է Երևանում, Ալեքսանդրապոլում, Անդրկովկասի հայաշատ վայրերում կազմակերպված ներկայացումներին: Խաղացած ներկայացումներից են` Գ.Սունդուկյանի «Պեպո» (Էփեմիա, Շուշան), «Խաթաբալա» (Խամփերի, Մարքրիտ), Վ.Շեքսպիրի «Վենետիկի վաճառականը» (Պորցիա), «Օթելլո» (Էմիլիա), «Համլետ» (Գերտրուդ), Մոլիերի «Բռնի ամուսնություն» (Դորիմեն), Ա.Գրիբոյեդովի «Խելքից պատուհաս» (Խլեստովա) և այլն: Մասնակցել է նաև վրացական ներկայացումների: Վրացերեն լեզվով նրա կերտած Շուշանիկի (Հ.Կարինյանի «Շուշանիկ») կերպարը բարձր է գնահատել Ա.Ծերեթելին: Մահացել է Թիֆլիսում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար