ՍՈՆԱ ՎԱՆ

Սոնա Տեր-Հովհաննիսյան

Ծնվել է 1952թ. փետրվարի 8-ին, Երևանում: 1975թ. ավարտել է Երևանի բժշկական ինստիտուտը: 1978թ. տեղափոխվել է ԱՄՆ: 1978-96թթ եղել է Լոս Անջելեսի «Կայզեր» բժշկական կենտրոնի գիտաշխատող, 1996թ-ից՝ «Բրոդվեյ» բժշկական կենտրոնի հոգեբան, 1996-97թթ, միաժամանակ՝ «Եղիցի լույս» (Լոս Անջելես) գրական, մշակութային ամսագրի հրատարակիչ-խմբագիրը: ԱՄՆ-ի համալսարանում ստացել է կլինիկական և հոգևոր-հոգեբանական մագիստրոսի կոչում։ 2006թ. հիմնադրել է «Նարցիս» գրական-գեղարվեստական, մշակութային հանդեսը, որտեղ 2013թ-ից գլխավոր խմբագիրն է: Հեղինակել է քնարախոհական բանաստեղծություններ` «Լույսի ծվեններ» (1996թ.), «Ես անուն չունեմ» (2003թ.), «Ես ձայն եմ լսում» (2006թ.), «Չառա անունով թռչունը» (2011թ.), «Չընդհատված Շահրեզադե» (2015թ.), «Լիբրետո անապատի համար» (2015թ.) ժողովածուները: Առանձին գրքերով և բանաստեղծական շարքերով թարգմանվել է վրացերեն, ուկրաիներեն, ռուսերեն, բելոռուսերեն, անգլերեն, ֆրանսերեն, ղազախերեն, արաբերեն: Արժանացել է ՀՀ մշակույթի և սփյուռքի նախարարությունների ոսկե մեդալների, «Ոսկե ծիրան» կինոփառատոնի հուշամեդալի, ԱՄՆ Քալիֆորնիա նահանգի Առևտրի պալատի կողմից սահմանված «Կինը գրականության մեջ -2013» մրցանակին, Սանկտ Պետերբուրգի հոգևոր-մշակութային կազմակերպության հուշամեդալի և հայրենական ու ամերիկյան գրական-մշակութային այլ մրցանակների, պարգևների, դիպլոմների, 2013թ.՝ ՀՀ «Մովսես Խորենացի» մեդալի: