Սուքիաս Սոմալյան

Բանասեր, բառարանագիր, թարգմանիչ

Տիգրան Գալեմճյան

Թատերական գործիչ, դրամատուրգ

Արշակ Մադոյան

Գրող, պատմաբան

Արբակ Մխիթարյան

Պատմաբան, արվեստաբան, հնագետ

Գևորգ Վիրապյան

Թարգմանիչ

Պարույր Սևակ

Բանաստեղծ, գրականագետ, թարգմանիչ

Դորա Սաքայան

Հայագետ, թարգմանիչ

Սվետլանա Կոլոսարյան

Օպերային երգչուհի

Ռոմիկ Սարդարյան

Բանաստեղծ

Սամվել Կոսյան

Բանաստեղծ, դրամատուրգ

Գայանե Մկրտչյան

Դերասանուհի

Արամո

Դերասան, երգիչ

Հրաչյա Սարիբեկյան

Արձակագիր, գրականագետ

Դիանա Ավետիսյան

Հաղորդավար

Քաջիկ Գրիգորյան

Կոմպոզիտոր, կլառնետահար

 

 

 

 

ՆԻԿՈԼ ԳԱԼԱՆԴԵՐՅԱՆ

Կոմպոզիտոր

7 սեպտեմբեր, 1881 - 2 մարտ, 1944

Ծնվել է Արևմտյան Հայաստանի Ակն քաղաքում: 1894-96թթ հայկական ջարդերի ժամանակ կորցրել է ընտանիքը, միայն փրկվել է ինքը, մայրը և քույրը: 1900-03թթ սովորել է Էջմիածնի Գևորգյան ճեմարանում` Կոմիտաս Վարդապետի մոտ: Սովորել է երկու տարի և ծանոթացել հայկական ժողովրդական և հոգևոր երաժշտությանը: Ուսումնասիրել է նաև ջութակ, կիթառ, հայկական երաժշտություն: Երգեցողություն է դասավանդել Շումենի, Վառնայի, Թեհրանի հայկական դպրոցներում, 1910թ.՝ Թիֆլիսում: 1911թ-ից ապրել է Թեհրանում և գրել երաժշտություն: Առաջին գործը եղել է Ա.Իսահակյանի «Երգեր և վերքեր» բանաստաղծության հիման վրա գրված երաժշտությունը: Հետագայում դասավանդել է Թեհրանի Հայկազյան դպրոցում, որտեղ ապրել և ստեղծագործել է կյանքի մեծ մասը: 1925թ. կազմակերպել է «Գողթան» (1942թ-ից՝ «Գալանդերյան») երգչախումբը: Կոմպոզիտորի երգերը գրված են քաղաքային ժողովրդական երգի ոճով՝ Վ.Տերյանի, Հ.Թումանյանի, Ա.Իսահակյանի, Ե.Չարենցի, Մ.Մեծարենցի և այլոց բանաստեղծությունների հիման վրա: Նրա լավագույն երգ-ռոմանսները՝ «Արդյոք ո՞ւր ես», «Ես սիրում եմ», «Հեռանալ մոռանալ», «Կապույտ աղջիկ», «Ափսոսանք», «Հովիկ», «Դու նորից եկել ես», «Ծիրանափառ գիշերներ», «Կանցնին օրեր», «Այնպես նազիկ» և այլն, անձնական քնարերգության արտահայտություն են: Գեղջկական երգի ինտոնացիոն կառուցվածքով են գրված «Գյուղական էսքիզները», որոնց մեջ առանձնանում է «Ակնա հարսանիք» խմբերգերի շարքը («Վարդ եմ քաղել օյ նար», «Գյուլիզար», «Դալիլո-լիլո» և այլն): Գրել է «Լալվարի որսը» (ըստ Վ.Միրաքյանի, բեմադրվել է Թեհրանում 1928թ., 1930թ., սիրողների ուժերով), «Փարվանա» (ըստ Հ.Թումանյանի, 1932թ.), «Հովիվը» (ըստ Վ.Փափազյանի «Լուր-դա-լուր»-ի, 1933թ.) օպերաները, մանկական երգեր ու օպերաներ («Չարի վերջը», «Պողոս-Պետրոս», «Պապն ու շաղգամը», «Ուլիկը» և այլն), ջութակի, թավջութակի, դաշնամուրի մանրանվագներ: 30 տարվա ընթացքում գրել է շուրջ 1000 երաժշտություն, 3 օպերա, 8 մանկական օպերա: Նրա գործերը պահպանվում են Երևանի արվեստի և գրականության պետական թանգարանում: Մահացել է Իրանի Սպահան քաղաքում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար