ՎԱՀԵ ՆՈՒՐԻՋԱՆՅԱՆ

Ծնվել է 1995թ. հունվարի 27-ին, Երևանում: 6 տարեկան հասակում ընդունվել է ՀՀ Կապան քաղաքի Ա.Խաչատրյանի անվան թիվ 1 երաժշտական դպրոցի դաշնամուրային բաժին, որտեղ սովորել է 5 տարի: 11 տարեկան հասակից սովորել է շեփոր Երևանի Ս.Ասլամազյանի անվան թիվ 1 երաժշտական դպրոցում: Նվագել է Հայաստանի պատանեկան ֆիլհարմոնիկ նվագախմբում: 2012-16թթ սովորել է Երևանի Կոմիտասի անվան պետական կոնսերվատորիայի շեփորի բաժնում: 2012թ-ից ինքնուս զբաղվել է ստեղնաշարային գործիքներով: Հիմնել է «Young Folks» երաժշտական խումբը, որը հետագայում վերանվանվել է «Ատմոս»: 2013թ-ից նվագում է «Նաիրի» ռոք խմբում, որի հետ 2014թ. Մոսկվայում մասնակցել է «Ծովից Ծով» համահայկական, Թբիլիսիում՝ «Plus One» երաժշտական փառատոներին, իսկ 2015թ.՝ Թբիլիսիի «Ջեմ» ռոք փառատոնին: