ՎԻԳԵՆ ԱՎԵՏԻՍ

Քանդակագործ

Վիգեն Ավետիսյան

Ծնվել է 1968թ. հունվարի 25-ին, Երևանում: 1985-93թթ Արա Հարությունյանի արվեստանոցում եղել է որպես քանդակագործի օգնական: 1989-93թթ սովորել է Երևանի գեղարվեստաթատերական ինստիտուտում, 1995-97թթ` Լեհաստանի Պոզնան, 1998-2005թթ` Իտալիայի Ֆլորենցիա քաղաքների գեղարվեստի ակադեմիաներում: 1998թ-ից բնակվում և ստեղծագործում է Ֆլորենցիայում: 2008թ-ից «40 ֆլորենտացիներ» միության անդամ է, իսկ 2009թ-ից` Ֆլորենցիայի Դոնատելլոյի անվան նկարիչների միության անդամ: 2006թ. դասավանդել է Ֆլորենցիայի գեղարվեստի ակադեմիայում, 2007թ-ից` Պալլացո Սպինելլիի արվեստի և վերականգման ինստիտուտում, դոցենտ է: 2002թ. արժանացել է Իտալիայի Նովառա քաղաքի կենտրոնական շատրվանի նախագծի համար մրցույթի 1-ին մրցանակի: 2008թ. «Ծովինար» արձանախմբի իրացման կապակցությամբ արժանացել է Արաբկիր համայնքի պատվավոր քաղաքացու կոչման: 2011թ. և 2012թ. կազմակերպել է Շուշիի քանդակի միջազգային սիմպոզիումները: Նրա գործերից են` «Մայրություն» (2003թ.), «Գրուլյասկո» (Թուրին), «Խորան» (2004թ.), «Հանդիպում և ծնունդ» (Ֆլորենցիա, 2005թ.), «Զգացմունք» (Ֆլորենցիա, 2005թ.), «Սուրբ գրքի պատվանդան» (2005թ.), «Կնքարան» (Ֆլորենցիա, 2007թ.), «Մ.Մ.Ֆրեսկոբալդի Կապպոնի» (Ֆլորենցիա, 2011թ.), «Գթության քույր Կարմելինա» (դիմաքանդակ, Տորոնտո, 2012թ.) և այլն: